PĀ GƏ̄ 128:3 - Bibəl ta Sar̄

³ Nə̄yá̰í a to tītə̄ kāgə̄ nduú kə́ an̄ ngá̰ý kem kújə yāí tə́. Ngání gə̄ a rosən̄ loo ta kār̄ kəsa yāí tə́, tītə̄ ngán kāgə̄ olibə gə̄ beé.

Bible sar

³ Nə̄yá̰í a to tītə̄ kāgə̄ nduú kə́ an̄ ngá̰ý kem kújə yāí tə́. Ngání gə̄ a rosən̄ loo ta kār̄ kəsa yāí tə́, tītə̄ ngán *kāgə̄ olibə gə̄ beé.

PĀ GƏ̄ 128:3 Referans Kwoze

EJEKIEL 19:10

Kó̰ó̰sí to i tītə̄ kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.

PĀ GƏ̄ 52:8

Loo ń noō tə́ de kə́ súmūú gə̄ a a̰a̰n̄ adə̄ a ɓōlə́n̄. Nin̄ a əgōn̄ dɔn tə́ ba a ədan na:

Makətūbə̄ ń Pol ndang adə̄ Rom gə̄ ní 11:24

Ḭ̄ ń i Jipə aĺ ní, ī-rāā rɔ̄í i ta jī kāgə̄ olibə kə́ bembeé tə́. Gāngə̄n̄ ta jī kāgə̄ olibə kə́ bembeé ní, ba do̰ō̰n̄ tū gír gisə kāgə̄ olibə kə́ ɓēé tə́, adə̄ i kə gō jī loo rāā ń a rāān̄nəń kété gə̄ ní alé. Ba Jipə gə̄ nin̄ i ta jī kāgə̄ olibə kə́ kəhɔ ɓēé, adə̄ tél kəhɔdə́ gogə́ ta gūrūdə́ tə́ i yá̰á̰ kə́ tōr̄ alé.

TA KƏLA 49:22

Jəjep i kāgə̄ kə́ a an̄ kə́ əɓa kadə man̄ tə́. Ta jīn gə̄ mānə̄n̄ dɔ ndogə̄ mbal̄ kə̄ dɔɔ́.

JEREMI 11:16

Rī ń Kɔ́ɔ̄ɓē əndā dɔí tə́ ní n toó: Kāgə̄ olibə kə́ to mbōl̄ ngándáńg ō, balsáá ngá̰ý kə ta kūl kanə̄n gə̄ kə́ majə páráńg ō. Kɔ́ɔ̄ɓē əla hor ādə̄ o̰o̰ mbīn gə̄ ō, de gə̄ tétə̄n̄ ta jīn gə̄ ō i dan ń kōō yá̰a̰ a ɓārəń kə ngangá ngá̰ý ní tə́.

PĀ GƏ̄ 144:12

Ādə̄ ngánjí kə́ balsáa gə̄ ton̄ tītə̄ kāgə̄ gə̄ kə́ əlan̄ gír tɔgə majə i kə ngōn̄ dūúdə́ ō, ādə̄ ngáńjí kə́ mandə gə̄ majən̄ tītə̄ kāgə̄ nga dan kújə́ kə́ tɔ́sə̄ yā rāań ro̰ kújə yā mban̄g gə̄ ō.

PĀ GƏ̄ 127:5

Deē ń ənge adə̄ rosə kem ngong gərā yān ní i kə rɔ̄nelēé! Ré nējə̄n̄ naā najə̄ tə́ kə madə̄ kɔ̄l̄neé loo sarya tə́ anī rɔ̄n a sɔlə̄n alé.

1 YÁ̰A̰ GƏ̄ 8:40

Ngán Ulam gə̄ i go̰ rɔ̄ɔ̄ gə̄ ō, nin̄ gerə̄n̄ kur gərā ngá̰ý ō. Ngáńdə́ gə̄ ō, ngán kaadə́ gə̄ ō i ngá̰ý. Nin̄ malang i deē 150. De gə̄ ń noō malang i de kə́ gír ɓē yā Benjamḛ tə́ gə̄.

PĀ GƏ̄ 127:3

Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!