PĀ GƏ̄ 128:2 - Bibəl ta Sar̄

² Əsa tətōí īkɔ́ a ā ī-ndi majə ō rɔ̄í a nelī ō!

Bible sar

² Əsa tətōí īkɔ́ a ā ī-ndi majə ō rɔ̄í a nelī ō!

PĀ GƏ̄ 128:2 Referans Kwoze

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

IJAI 62:8

Kɔ́ɔ̄ɓē ənī ndūn ń toō kə ngagá ngá̰ý, əda na: Tītə̄ ń tɔ́gə́ḿ i ngá̰ý noó, m-ā m-ə́ya̰ madə̄ ba̰ā̰í gə̄ kadə̄ ulə̄n̄ rɔ̄də́ kə kōō gémē yāí to̰ alé. Tə̄rā gə̄ a a̰ȳn̄ kasə nduú yāí ń ɔ́r tāmən tə́ ní to̰ alé.

NDŪ NAJƏ̄ 28:4

Tɔ́r̄ ta a reē dɔ ngán kemií gə̄ tə́ ō, dɔ kōō yāí gə̄ tə́ ō, dɔ yá̰a̰ kul̄ yāí gə̄ tə́ ō, dɔ kó̰o̰ man̄g yāí gə̄ tə́ ō, dɔ kó̰o̰ batə̄ yāí gə̄ tə́ ō, dɔ kó̰o̰ bə̄yā̰ yāí gə̄ tə́ ō.

NDŪ NAJƏ̄ 28:11

Kɔ́ɔ̄ɓē Nə́ɓā yāí a rāā kadə̄ rɔ̄í nelī dɔ nang ń ənī ndūn adə̄ kaaí gə̄ yā kadī tə́ ní. Tɔdɔ̄ ni a adī ngán gə̄ ngá̰ý ō, a rāā kadə̄ yá̰a̰ kul̄ yāí gə̄ ojən̄ naā ngá̰ý ō, kadə̄ dɔ nang yāí a teē kōō ngá̰ý ō.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

EPEJƏ 6:3

Kənī míndə́ ní n toó: Yā kadə̄ ī-ndi majə ō, kadə̄ ī-ndiń kə kumií ta kaw̄ jóo dɔ nang tə́ ō.

JEREMI 22:15

Nelī rāā yá̰a̰ kə kāgə̄ sédər ngá̰ý ní ī-gír̄ i dɔ ko̰o̰ ɓē tə́ ta kaw̄ jóo a? Bɔbí əsa yá̰á̰ ō, a̰ȳ ō aĺ a? Banī ni rɔ̄ɔ̄ dɔ yá̰á̰ kə́ gōtə́ tə́ ō, dɔ yá̰á̰ kə́ súmūú tə́ ō. adə̄ yá̰a̰ malang i kə́ majə tām̄ yān tə́.

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

NDŪ NAJƏ̄ 28:51

A əsan̄ yá̰a̰ kul̄ yāí gə̄ ō, kōō ndɔrí gə̄ ō, bátə́ kadə̄ ī-gətóoń. Nin̄ a əya̰n̄ kōō gémē ō, man̄ nduú ō, yibə̄ ō yā kadī alé. A əya̰n̄ ngán man̄g yāí gə̄ ō, ngán batə̄ yāí gə̄ ō, ngán bə̄yā̰ yāí gə̄ ō, yā kadī alé, bátə́ kadə̄ ī-gətóoń.

NDŪ NAJƏ̄ 28:39

A ī-ndɔr̄ kāgə̄ nduú ō, ā á̰a̰ gō ō, banī ā ā̰ȳ kasən alé. Ā ə́ja kan̄ nduú ní aĺ gə̄gē, tɔdɔ̄ kur̄ gə̄ a əsan̄ malang kɔ̄ɔ́.

TA KƏLA 3:19

Ā ī-rāā kəla kə́ úy tətō tá ā ə́ngeń yá̰a̰ kəsa yāí, bátə́ kadə̄ ā ī-tél āwń gogə́ tū nán̄g ń ī-teē tū tə́ ní tə́. Tɔdɔ̄ rāāīn̄ i kə nángāá, adə̄ ā ī-tél kə̄ gogə́ gíŕ nángāá.

PĀ GƏ̄ 109:11

Ādə̄ nge kə̄rān kógə̄ḿ əhɔ yá̰a̰ yān malang ta kə̄rā tə́, ādə̄ tə̄rā gə̄ taān̄ yá̰a̰ kənge yān gə̄ dɔ gúú tə́!

NDŪ NAJƏ̄ 28:8

Kɔ́ɔ̄ɓē Nə́ɓā yāí a ngɔ̄m̄ yá̰a̰ malang ń ī-kán̄ nja kə̄ kem mō̰ȳ yāí gə̄ tə́ ní ō, kəla malang ń ā ə́lá gír rāā ní, a rāādə́ kadə̄ teēī yá̰á̰ tə́ ō. Ni a rāā majə seí kem ɓē ń adī tə́ ní.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.