PĀ GƏ̄ 128:1 - Bibəl ta Sar̄

¹ Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

Bible sar

¹ Pā kə́ yā kaw̄ń kə̄ *loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

PĀ GƏ̄ 128:1 Referans Kwoze

PĀ GƏ̄ 119:1

Ngé gə̄ ń najə̄ gətóo dɔdə́ tə́ ō, unən̄ gō ndū najə̄ yā Kɔ́ɔ̄ɓē ō ní, rɔ̄də́ nel̄də́!

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 127:1

Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

PĀ GƏ̄ 115:13

kə ngé gə̄ ń a ɓōlə́n̄ ndíĺ Kɔ́ɔ̄ɓē ní ō, ngáń kə́ dūú gē, de kə́ tɔgə gē.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

PĀ GƏ̄ 119:3

Nin̄ rāān̄ yá̰á̰ kə́ majaĺ alé, banī rāān̄ i yá̰á̰ ń Nə́ɓā mēr̄də́ rāā ní.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

PĀ GƏ̄ 121:1

Pā kə́ yā kaw̄ń kə̄ loo kə́ táĺ tə́. M-ún kumḿ kə̄ dɔɔ́! m̄-gó̰ō̰ loo kə̄ dɔ mbal̄ gə̄ tə́! M-á̰a̰ā̰ ké deē a ḭḭ i rá n a reē yā dḭḭ̄m̄ ní wa?

PĀ GƏ̄ 124:1

Pā kə́ yā kaw̄ń kə̄ loo kə́ táĺ tə́. I pā yā Dabid.

PĀ GƏ̄ 103:1

Pā yā Dabid. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

PĀ GƏ̄ 81:13

Loo ń noō tə́ m-ə́yá̰də́ kə kem ngan̄g yādə́, kadə̄ rāān̄ yá̰á̰ ń kemdə́ gḛy ní tā!

PĀ GƏ̄ 123:1

Pā kə́ yā kaw̄ń loo kə́ táĺ tə́. Kɔ́ɔ̄ɓē, ḭ̄ ń kōr̄ kāgə̄ mbang yāí ndi dɔ rā̰ tə́ ní, m-ə̄nī kumḿ kə̄ dɔɔ́ m-á̰a̰ń loo kə̄ rɔ̄í tə́.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

NDŪ NAJƏ̄ 28:3

Tɔ́r̄ ta a reē dɔí tə́ kem ɓēé ō, a reē dɔí tə́ bembeé ō.

2 SAMUEL 22:22

Tɔdɔ̄ m̄-rāā yá̰a̰ gə̄ ń Kɔ́ɔ̄ɓē ɔjəm̄ ní, m̄-rāā háĺ kə́ sew aĺ kə Nə́ɓā yāḿ alé.