PĀ GƏ̄ 127:1 - Bibəl ta Sar̄

¹ Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

Bible sar

¹ Pā kə́ yā kaw̄ń *loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

PĀ GƏ̄ 127:1 Referans Kwoze

Gōsə̄ najə̄ gə̄ 16:9

Deē ndul i nge núm̄ yá̰á̰ kə́ yā rāā, banī i Kɔ́ɔ̄ɓē n i nge rāā kadə̄ udə gírí ní.

1 KORḚNTƏ 3:7

Adə̄ nge kəndā kāgə̄ i yá̰a̰ aĺ ō, nge rāā man̄ dɔ tə́ i yá̰a̰ aĺ ō, ba i Nə́ɓā ń rāā tá kadə̄ kāgə̄ tɔgə ní.

PĀ GƏ̄ 124:1

Pā kə́ yā kaw̄ń kə̄ loo kə́ táĺ tə́. I pā yā Dabid.

IJAI 62:6

Jerusalem, m̄-tə́ndā ngé ngɔ̄m̄ loo gə̄ dɔ ndogə̄ mbal̄ yāí gə̄ tə́. Kadaá gē ndɔ̄ɔ́ gē ní, i gáŕ kadə̄ nin̄ a ndin̄ tadə́ mbóo alé. Sḭḭ̄ ngé ngɔ̄m̄ loo gə̄ ń ī-raī kə Kɔ́ɔ̄ɓēé kadə̄ əga kemən dɔ Jerusalem tə́ ní, ī-lōōī kɔr̄ koō.

1 YÁ̰A̰ GƏ̄ 28:10

Ngɔlaā ní á̰a̰ā̰, Kɔ́ɔ̄ɓē gə̄rāī kadə̄ ī-rāā kújə́ kə́ a tél loo kə́ táĺ yān. I beé ní, ə́hɔ rɔ̄í tɔgə ba údə kə̄ rɔ̄ kəla tə́ ī-rāā.

JEREMI 51:12

Ə́laī dərapóo rɔ̄ɔ̄ kum kə̄ dɔ ndogə̄ mbal̄ kə́ Babilon tə́, ī-rēēī kə ngé ngɔ̄m̄ loo gēé dɔ madə̄ tə́ ɓáý, ī-tə́ndāī ngé ngɔ̄m̄ loo gə̄ ō, ngé ngān̄g róbə gə̄ ō, loo ndadə́ gə̄ tə́. A̰á̰ā̰, yá̰á̰ ń Kɔ́ɔ̄ɓē əda dɔ de kə́ Babilon gə̄ tə́ ní, i yá̰á̰ kə́ ni gír̄ dɔ tə́ ō, rāā ō.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

1 KORḚNTƏ 15:14

Ba ré Kərist ndól̄ aĺ anī, najə̄ ń j-ɔjə ní i najə̄ kə́ kanjə̄ kumən ō, taā kem yāsí i taā kem kə́ kanjə̄ kumən ō.

PĀ GƏ̄ 121:1

Pā kə́ yā kaw̄ń kə̄ loo kə́ táĺ tə́. M-ún kumḿ kə̄ dɔɔ́! m̄-gó̰ō̰ loo kə̄ dɔ mbal̄ gə̄ tə́! M-á̰a̰ā̰ ké deē a ḭḭ i rá n a reē yā dḭḭ̄m̄ ní wa?

PĀ GƏ̄ 123:1

Pā kə́ yā kaw̄ń loo kə́ táĺ tə́. Kɔ́ɔ̄ɓē, ḭ̄ ń kōr̄ kāgə̄ mbang yāí ndi dɔ rā̰ tə́ ní, m-ə̄nī kumḿ kə̄ dɔɔ́ m-á̰a̰ń loo kə̄ rɔ̄í tə́.

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

PĀ GƏ̄ 78:69

Rāā loo kə́ táĺ yān adə̄ to tītə̄ ta tél mbal̄ gə̄ ō, əndā ngəran adə̄ to ngándáńg tītə̄ yā dɔ nang ō.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

IJAI 27:3

Mā Kɔ́ɔ̄ɓē, mā i nge ngɔ̄m̄ kāgə̄ nduú ngeē ń toō. m̄-rāā man̄ gírí i kə kum mbangən gēé malang. m̄-ngɔ̄mən kadaá ō, ndɔ̄ɔ́ ō, yā kadə̄ deē kógə̄ḿ rāān yá̰á̰ kə́ majaĺ alé.

1 YÁ̰A̰ GƏ̄ 29:19

Ādə̄ ngōnə̄ḿ Salomo̰ kem kə́ ndigə ngɔ̄m̄ gō míndí gə̄ ō, yá̰á̰ ndóō yāí gə̄ ō, yá̰a̰ gə̄ ń ī-ndang kadə̄ yā rāā gə̄ ní ō, tá kadə̄ rāań yá̰a̰ gə̄ ń noō malang ō, rāań kújə mban̄g ń m-ɔ́sə nja yá̰a̰ gə̄ ń toō malang naā tə́ yā rāań ní ō.

GALATƏ 4:11

Kəla ń m̄-rāā tām̄ yāsí tə́ ní, m̄-ɓōĺ najə̄ kadə̄ i kəla kə́ ndāńg karī.

PĀ KƏ́ MAJƏ 5:7

Ngé ngɔ̄m̄ loo gə̄ ń njə̄rān̄ a gīrə̄n̄ gidə ɓē ní əngemən̄. Nin̄ əndamə̄n̄ ō, adə̄mə̄n̄ do ō. Nin̄ ɔrə̄n̄ kūbə̄ ń m̄-seĺ dɔḿ tə́ ní kɔ̄ɔ́.

PĀ KƏ́ MAJƏ 3:3

Ngé ngɔ̄m̄ loo gə̄ ń njə̄rā a gīrə̄n̄ gidə ɓē ní əngemə̄n̄, m̄-dəjedə́ na: Nge ń kemḿ gḛyn ní á̰a̰niī a?

JEREMI 51:31

Nge a̰ȳ ngɔ̄də̄ anī, ni-ənge nge kaw̄ kəla madə̄n, kɔdə̄ mbēr̄ aw̄ ənge kɔdə̄ mbēr̄ madə̄n, kadə̄ aw̄ ədan̄ mban̄g Babilon na taān̄ ɓē kə taá malang kɔ̄ɔ́.

PĀ GƏ̄ 72:1

Pā yā Salomo̰. Nə́ɓā, ī-rāā ādə̄ sarya gān̄g mban̄g to tītə̄ yāí. Ādə̄ ngōn̄ kem mban̄g ń toō háĺ kə́ gōtə́ yāí.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

JOJUE 2:2

Anī de gə̄ ədan̄ mban̄g kə́ Jeriko na ngán Israel kə́rēý gə̄ na reē ugə̄n̄ ndɔ̄ɔ́ laā, na reēn̄ i kəndā ma̰ȳ looó.

1 MBAN̄G GƏ̄ 5:12

Kāgə̄ najə̄ gə̄ ń ni tétə̄ ní i dūbú mətá ō, pā gə̄ ń ni-rāā ní i dūbú kógə̄ḿ kə kalən kə́ mí ō.