PĀ GƏ̄ 124:1 - Bibəl ta Sar̄

¹ Pā kə́ yā kaw̄ń kə̄ loo kə́ táĺ tə́. I pā yā Dabid.

Bible sar

¹ Pā kə́ yā kaw̄ń kə̄ *loo kə́ táĺ tə́. I pā yā Dabid.

PĀ GƏ̄ 124:1 Referans Kwoze

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 56:9

Ī-tə́da kutə njaḿ ń m̄-dáyń ní kɔ̄ɔ́ ɓá ní, ī-taā man̄ kumḿ kem kū yāí tə́ tā. Kutədə́ i kə́ ndang kem makətūbə̄ yāí tə́ aĺ a?

PĀ GƏ̄ 54:4

Ɓɔ́ Nə́ɓā, ōō ndɔ̄ȳ yāḿ. Ī-nēl̄ mbīí ōoń najə̄ kɔrə̄ḿ.

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

PĀ GƏ̄ 94:17

Nə́ngētə́ gēé Kɔ́ɔ̄ɓē dḭḭ̄m̄ aĺ anī, loo kə́ beē tə́ mā i de kə́ ɓádá kɔ̄ɔ́.

PĀ GƏ̄ 121:1

Pā kə́ yā kaw̄ń kə̄ loo kə́ táĺ tə́. M-ún kumḿ kə̄ dɔɔ́! m̄-gó̰ō̰ loo kə̄ dɔ mbal̄ gə̄ tə́! M-á̰a̰ā̰ ké deē a ḭḭ i rá n a reē yā dḭḭ̄m̄ ní wa?

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

PĀ GƏ̄ 127:1

Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

PĀ GƏ̄ 129:1

Pā kə́ yā kaw̄ń kə̄ loo kə́ táĺ tə́. Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý, əlan̄ gír rāā kumḿ ndoō tə́ i dan ń dɔḿ dūúnń ɓáý ní. Ādə̄ Israel gə̄ malang ədan̄ ɓáý!

PĀ GƏ̄ 130:1

Pā kə́ yā kaw̄ń kə̄ loo kə́ táĺ tə́. Kɔ́ɔ̄ɓē, m̄-to kem bəlo kə́ lú ngá̰ý tə́, ba m̄-ɓāríī kadə̄ ī-rāā seḿ.

PĀ GƏ̄ 128:1

Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

PĀ GƏ̄ 132:1

Pā kə̄ yā kaw̄ń kə̄ loo kə́ táĺ tə́. Kɔ́ɔ̄ɓē, ādə̄ əga kemií dɔ Dabid tə́ ō, dɔ tápə̄ yān gə̄ tə́ malang ō.

PĀ GƏ̄ 123:1

Pā kə́ yā kaw̄ń loo kə́ táĺ tə́. Kɔ́ɔ̄ɓē, ḭ̄ ń kōr̄ kāgə̄ mbang yāí ndi dɔ rā̰ tə́ ní, m-ə̄nī kumḿ kə̄ dɔɔ́ m-á̰a̰ń loo kə̄ rɔ̄í tə́.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 134:1

Sḭḭ̄ ngé kəla gə̄ yā Kɔ́ɔ̄ɓē malang ń ndɔ̄ɔ́ anī ā ī-raī kə njasí dɔɔ́ kem kújə yā Kɔ́ɔ̄ɓē tə́ ní, ī-tɔ̄yī Kɔ́ɔ̄ɓē!

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.

TA KƏLA 31:42

Ré Nə́ɓā yā kaaḿ Abəraham, nge ń Isaak a ɓōlə́n ní i seḿ aĺ anī, ā ī-tə̄ɓām̄ i jīḿ karī. Nə́ɓā a̰a̰ tápə̄ yāḿ ō, a̰a̰ kəla ń m̄-rāā kə jīḿ ní ō, adə̄ ndɔ̄ɔ́ laā ni gān̄g i sarya kə́ majə tām̄ yāḿ tə́.

PĀ GƏ̄ 56:10

Ndɔ̄ ń m-ā m̄-ɓārī kadə̄ ī-dḭḭ̄m̄neé tə́ ní, madə̄ ba̰ā̰ḿ gə̄ a tūrə̄n̄ gándə́də́. M-ger̄ kadə̄ Nə́ɓā i seḿ māá.