PĀ GƏ̄ 122:7 - Bibəl ta Sar̄

⁷ Ādə̄ lápə́ya to kem ndogə̄ mbal̄ yāí gə̄ tə́ ō, lɔm to kem kújə́ kə́ bo yāí gə̄ tə́ ō!

Bible sar

⁷ Ādə̄ lápə́ya to kem ndogə̄ mbal̄ yāí gə̄ tə́ ō, lɔm to kem kújə́ kə́ bo yāí gə̄ tə́ ō!

PĀ GƏ̄ 122:7 Referans Kwoze

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JAKƏ 3:18

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

PĀ GƏ̄ 48:3

Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 48:13

Ī-njə̄rāī kə gō naá tururu dɔ ndogə̄ mbal̄ kə́ gidə ɓē kə́ Siyo̰ tə́ tə́. Ī-tə́daī kutə kújə ngɔ̄m̄ ɓē kə́ dɔ tə́ gə̄.

1 YÁ̰A̰ GƏ̄ 12:18

Ni teē tə́nī tadə́ ba ədadə́ na: Ré ī-reēī kəngeḿ tə́ i najə̄ lápə́ya tə́ ō, i najə̄ kɔsə kílə́ḿ tə́ kə̄ dɔɔ́ ō anī, m̄-ndigə̄ ngá̰ý kadə̄ m̄-ɓo rɔ̄ḿ yāsí tə́ kə ngarā̰ kemḿ mámák. Ba ré ī-reēī i gólə̄m̄ tə́ yā kəlam̄ jī madə̄ ba̰ā̰ḿ gə̄ tə́, tá m̄-rāā yá̰á̰ kógə̄ḿ kə́ majaĺ alé anī, ādə̄ Nə́ɓā yā kaají gə̄ i kə́ kum tə́ ō, rāāsí yá̰á̰ kə́ tōr̄ tām̄ majaĺ yāsí tə́ ō.