PĀ GƏ̄ 122:4 - Bibəl ta Sar̄

⁴ De kə́ gír ɓē kə́ Israel tə́ gə̄, kə́ gír ɓē yā Kɔ́ɔ̄ɓē tə́ gə̄ reēn̄ tɔ̄ȳ rī Kɔ́ɔ̄ɓē tə́ i ɓēé looí, tītə̄ ń a rāān̄neé Israel tə́ ní.

Bible sar

⁴ De kə́ gír ɓē kə́ *Israel tə́ gə̄, kə́ gír ɓē yā Kɔ́ɔ̄ɓē tə́ gə̄ reēn̄ tɔ̄ȳ rī Kɔ́ɔ̄ɓē tə́ i ɓēé looí, tītə̄ ń a rāān̄neé Israel tə́ ní.

PĀ GƏ̄ 122:4 Referans Kwoze

NDŪ NAJƏ̄ 16:16

De kə́ dəngam gə̄ malang a aw̄n̄ yā ra ta kum Kɔ́ɔ̄ɓē Nə́ɓā yāí tə́ nja mətá kem ɓāl̄ kógə̄ḿ kə dɔ ɓāl̄ gə̄ loo ń ni a gə̄rā tə́ ní. A aw̄n̄ yā rāā nāā mápa kə́ kanjə̄ kaa mápa ō, nāā sāā kōō ō, nāā kújə́ kámbə gə̄ ō. Deē a aw̄ yā ra ta kum Kɔ́ɔ̄ɓē tə́ jīn karī alé.

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

Teē Ngán Israel gə̄ 23:17

De kə́ dəngam kə́ gír yāsí tə́ gə̄ malang a reēn̄ yā ra ta kumḿ mā Kɔ́ɔ̄ɓē Nə́ɓā yāsí tə́ nja mətá kə dɔ ɓāl̄ gə̄.

PĀ GƏ̄ 118:19

Ī-teēī ta róbə yā de kə́ gōtə́ ādə̄mī, m-ā m-údə kemeé yā tɔ̄ȳ Kɔ́ɔ̄ɓē.

PĀ GƏ̄ 78:68

Ba gə̄rā i gír ɓē yā Juda, adə̄ i mbal̄ kə́ Siyo̰ ń ni gḛy ní.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

NDŪ NAJƏ̄ 12:5

I loo ń Kɔ́ɔ̄ɓē Nə́ɓā yāsí a gə̄rā dɔ nang kə́ gír ɓē yāsí tə́ yā kəndā rīn dɔ tə́ ō, yā ndi tū tə́ ō ní ngóy n ā āwī tū tə́ yā ndɔ̄ȳn ní.

Teē Ngán Israel gə̄ 32:15

Moijə tél dɔ tə́, risə dɔ mbalá kə bar mbal̄ kə́ jōó gēé jīn tə́. Ndū najə̄ gə̄ yā Nə́ɓā i kə́ ndang dām̄ jōó tū bar mbal̄ gə̄ ní tə́. Ndangən̄ kem gē gidə gē.

Teē Ngán Israel gə̄ 16:34

Tītə̄ ń Kɔ́ɔ̄ɓē ədań Moijə ní, Aaro̰ əndā jóó ní no bar mbal̄ ń ndangən̄ ndū najə̄ gidə tə́ ní, yā ngɔ̄məń mána ní.

PĀ GƏ̄ 81:6

i yá̰á̰ kə́ əndā dɔ Jəjep tə́ kadə̄ rāā dan ń ni teē aw̄ ənī ɓē kə́ Ejiptə rɔ̄ɔ̄ ní m-ōō ta ɓē kógə̄ḿ kə́ m-ōō kété aĺ ɓáý.

PĀ GƏ̄ 100:4

Ī-rāāniī kə́ra loo ń ā údiī kə̄ kem kújə yān tə́ ní. Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́ yā kaw̄ ra ndágə loo kə́ gīr̄ gidə kújə yān tə́ ní. Ɔ́siī gɔnən, ī-tɔ̄yī rīn.