PĀ GƏ̄ 12:6 - Bibəl ta Sar̄

⁶ Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.

Bible sar

⁶ Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.

PĀ GƏ̄ 12:6 Referans Kwoze

Gōsə̄ najə̄ gə̄ 30:5

Nāān̄ najə̄ malang ń Nə́ɓā əda ní. Ni i der yā ngé gə̄ ń ɓɔ̄ɔ̄n̄ rɔ̄də́ kemən tə́ ní.

PĀ GƏ̄ 18:30

M-ḭ́ḭ bal dɔ bəlo tə́ i seí ḭ̄ḭ́. M-ḭ́ḭ bal dɔ ndogə̄ mbal̄ tə́ i kə Nə́ɓā yāḿ.

2 SAMUEL 22:31

Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

PĀ GƏ̄ 19:8

Ndū najə̄ yā Kɔ́ɔ̄ɓē majə ɔtə̄ kə taá, rāā adə̄ deē tél ajə gogə́. Yá̰a̰ gə̄ ń Kɔ́ɔ̄ɓē əda ní i yá̰á̰ kə́ rɔ̄kum gə̄, rāā adə̄ de kə́ mbóo tél de kə́ ngáā.

PĀ GƏ̄ 66:10

Nə́ɓā, ḭ̄ ī-nāājí adə̄ ī-ger̄jí, ī-nāājí kum hor tə́ tītə̄ loo nō gində̄ arjā̰a̰ beé.

PĀ GƏ̄ 119:140

Najə̄ yāí ɔjə tɔ́gən kə̄ ndágá rɔ̄kum ō, nge kəla yāí ndigə najə̄ yāí ngá̰ý ō.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

Teē Ngán Israel gə̄ 6:1

Kɔ́ɔ̄ɓē tél əda Moijə na a a̰a̰ yá̰á̰ ń na n-a n-rāā kə Parao̰ó̰ ní ɓáý. Na n-a n-ɔjə tɔ́gən dɔn tə́ kadə̄ a əya̰ ngán Israel gə̄ kadə̄ a aw̄n̄ ō, kadə̄ a tə̄ɓādə́ dɔ nang yān tə́ kɔ̄ɔ́ ō.

Makətūbə̄ yā Job 20:19

Tɔdɔ̄ ni-əsa tətō ngé tɔ́gə gətóo gə̄ ō, əya̰də́ kɔ̄ɔ́ ō, taā kújə yādə́ ō, ni-rāā kújə́ kógə̄ḿ aĺ ō.

Makətūbə̄ yā Job 28:1

Gerēn̄ bəlo ń a ndērə̄n̄ gində̄ arjā̰a̰ tū tə́ a ɔrə̄n̄ ní ō, gerə̄n̄ loo gə̄ ń a tə́gon̄ lɔ́r tū tə́ ní ō.

PĀ GƏ̄ 9:13

Tɔdɔ̄ i ni n i nge ndəle nja nge tɔ̄l̄ deē ní, ni i nge rāā ba̰ā̰. Dɔn ndígə̄nal ngé rɔ̄ tō ndoō gə̄ ń nōōn̄ kə̄ dɔn tə́ ní alé.

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

IJAI 14:22

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ḭ́ḭ yā rɔ̄ɔ̄ Babilon gə̄. Rī ń na i Babilon ní ō, de kə́ kemeé gə̄ ń teēn̄ ta yo tə́ ní ō, ngáńdə́ gə̄ ō, ngán kaadə́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́.

IJAI 33:10

Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.