PĀ GƏ̄ 119:4 - Bibəl ta Sar̄

⁴ Kɔ́ɔ̄ɓē, ḭ̄ ɔ́jə́ yá̰a̰ gə̄ ń ī-ra kə de gēé ta rāā ní kə̄ ndágá, kadə̄ ngɔ̄mə̄n̄ kə gōó majə.

Bible sar

⁴ Kɔ́ɔ̄ɓē, ḭ̄ ɔ́jə́ yá̰a̰ gə̄ ń ī-ra kə de gēé ta rāā ní kə̄ ndágá, kadə̄ ngɔ̄mə̄n̄ kə gōó majə.

PĀ GƏ̄ 119:4 Referans Kwoze

1 JA̰A̰ 5:3

Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

JEREMI 7:23

Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

JOJUE 1:7

Yá̰á̰ ń kadə̄ ī-rāā ní i kadə̄ ə́hɔ rɔ̄í tɔgə ō, ī-ra dəngam ō, ī-ngɔ̄m̄ ndū najə̄ malang ń nge kəla yāḿ Moijə adī ní ō ngóy. Ī-tɔ̄ɔ̄ geleé aĺ ō, ko̰ó̰ aĺ ō. I beé n yá̰a̰ malang ń ā ī-rāā ní a majəń ní.

NDŪ NAJƏ̄ 30:16

Ɓōólaā m-ə̄ndā dɔí tə́ kadə̄ ī-táŕ Kɔ́ɔ̄ɓē Nə́ɓā yāí ō, kadə̄ ún gō róbə yān gə̄ ō, kadə̄ ī-rāā gō míndə gə̄ ń ni ədaī ní ō, kadə̄ ī-ngɔ̄m̄ ndū najə̄ yān gə̄ ō, jī-bēl̄ loo rāā yá̰a̰ yān gə̄ ō, kadə̄ ī-ndiń kə kumií ō, ójiīneé naā ngá̰ý ō, kadə̄ Kɔ́ɔ̄ɓē Nə́ɓā yāí rāań majə seí kem ɓē ń ā āw̄ kə̄ tū tə́ yā taā tə́ ní ō.

NDŪ NAJƏ̄ 11:22

Tɔdɔ̄ yá̰a̰ malang ń m-ə̄ndā dɔsí tə́ kadə̄ ī-rāāī ní, ré ī-rāāīdə́ rɔ̄kum adə̄ ī-táriī Kɔ́ɔ̄ɓē Nə́ɓā yāsí ō, úniī gō róbə yān gə̄ malang ō, ə́hɔī gōn ō anī,

NDŪ NAJƏ̄ 6:17

Yá̰a̰ gə̄ ń Kɔ́ɔ̄ɓē Nə́ɓā yāsí ədasí kadə̄ ī-rāāī ní ō, ndū kə́ kun gə̄ ō, ndū najə̄ yān gə̄ ō ní, ā ə̄ndāī kumsí gírí majə.

NDŪ NAJƏ̄ 4:1

Ngán Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń mə̄kɔ́ m-ɔ́jə́sí loo kun gō ní. I beé n ā ī-ndiīneé kə kumsí ō, ā ī-taāīneé dɔ nang ń Kɔ́ɔ̄ɓē Nə́ɓā yā kaasí gə̄ adə̄sí ní ō.

NDŪ NAJƏ̄ 11:13

Ré yá̰a̰ gə̄ ń ɓōólaā m-ə̄ndā dɔsí tə́ kadə̄ ī-rāāī ní ī-rāāīdə́ rɔ̄kum, adə̄ ī-táriī Kɔ́ɔ̄ɓē Nə́ɓā yāsí ō, ī-rāāī kəla ādə̄niī kə ngarā̰ kemsí gēé malang ō, kə rɔ̄sí malang ō anī,

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

Teē Ngán Israel gə̄ 7:6

Moijə nin̄ kə Aaro̰ rāān̄ tītə̄ ń Kɔ́ɔ̄ɓē ədańdə́ ní.

NDŪ NAJƏ̄ 6:3

Ngán Israel gə̄ ōōī ō, ə̄ndāī kumsí gírí kadə̄ úniī gō ō, ɓáa rɔ̄sí a nel̄sí ō, kutəsí a reē ngá̰ý dɔ madə̄ tə́ ō, kem ɓē ń mba ō, yibə̄ tejə ō, i ngá̰ý tū tə́ ní tə́ tītə̄ ń Kɔ́ɔ̄ɓē Nə́ɓā yā kaasí ənīń míndən adə̄sí ní.

ESDRAS 7:21

Mā mban̄g Artajerses m-ə́da ngé ngɔ̄m̄ nar gə̄ malang kə́ gidə bā Opəratə kə́ dām̄ kə́ no ɓē tə́ kadə̄ rāān̄ yá̰a̰ malang ń Esdras nge tun̄ yá̰á̰ kə́ nge ndóō de gə̄ ndū najə̄ yā Nə́ɓā kə́ dɔ rā̰ tə́ a dəjedə́ ní kə gōó.

EJEKIEL 20:19

Kɔ́ɔ̄ɓē Nə́ɓā yāsí i mā. Ī-rāāī yá̰a̰ gə̄ ń ndū najə̄ yāḿ gə̄ ədan̄ ní ō, ə̄ndāī kumsí gír jī bēl̄ loo rāā yá̰a̰ yāḿ gə̄ tə́ ba úniī gō ō.