PĀ GƏ̄ 119:168 - Bibəl ta Sar̄

¹⁶⁸ m̄-rāā yá̰a̰ gə̄ ń ī-ra kə de gēé ta rāā ní ō, yá̰a̰ gə̄ ń ə́dá ní ō. Ī-ger̄ yá̰a̰ rāāḿ gə̄ malang.

Bible sar

¹⁶⁸ m̄-rāā yá̰a̰ gə̄ ń ī-ra kə de gēé ta rāā ní ō, yá̰a̰ gə̄ ń ə́dá ní ō. Ī-ger̄ yá̰a̰ rāāḿ gə̄ malang.

PĀ GƏ̄ 119:168 Referans Kwoze

Gōsə̄ najə̄ gə̄ 5:21

A̰á̰ā̰, Kɔ́ɔ̄ɓē a̰a̰ hál de gə̄ kógə̄ḿ kógə̄ḿ malang ō, əndā ma̰ȳ gō róbə yādə́ gə̄ kógə̄ḿ kógə̄ḿ malang ō.

PĀ GƏ̄ 139:3

Ré mā i ndágá aláa kújú anī, ḭ̄ ī-ger̄ kɔ̄ɔ́ ō, ī-ger̄ yá̰a̰ rāāḿ gə̄ malang ō.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

Makətūbə̄ yā Job 34:21

Tɔdɔ̄ Nə́ɓā i nge kəndā kumən gíŕ hál de gə̄ tə́ ō, gír pā njə̄rā de gə̄ tə́ malang ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

PĀ GƏ̄ 98:8

Ādə̄ bā gə̄ əndan̄ jīdə́, ādə̄ mbal̄ bo gə̄ əndān̄ rɔ̄də́ naā tə́ sedə́ ba urən̄ kɔĺ rɔ̄nel̄

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.