PĀ GƏ̄ 119:1 - Bibəl ta Sar̄

¹ Ngé gə̄ ń najə̄ gətóo dɔdə́ tə́ ō, unən̄ gō ndū najə̄ yā Kɔ́ɔ̄ɓē ō ní, rɔ̄də́ nel̄də́!

Bible sar

¹ Ngé gə̄ ń najə̄ gətóo dɔdə́ tə́ ō, unən̄ gō *ndū najə̄ yā Kɔ́ɔ̄ɓē ō ní, rɔ̄də́ nel̄də́!

PĀ GƏ̄ 119:1 Referans Kwoze

Najə̄ kə́ Majə yā Jeju ń Luk ndang ní 11:28

Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

JAKƏ 1:25

Ba ré deē kógə̄ḿ əndā kumən gír ndū Najə̄ kə́ Majə ɔtə̄ kə taá mámák tə́ adə̄ i ndū najə̄ kə́ a rāā kə deé kadə̄ deē tél kəhɔ rɔ̄n ō, əndā rɔ̄n ta ndū najə̄ ní tə́ ō, ba i kə́ nge koō kadə̄ mān̄ kə nélé tə́ alé ba i nge rāā anī, deē ń noō a ənge rɔ̄nel̄ tū kəla rāān tə́.

PĀ GƏ̄ 128:1

Pā kə́ yā kaw̄ń kə̄ loo kə́ táĺ tə́. De gə̄ malang ń ɓōlə́n̄ ndíĺ Kɔ́ɔ̄ɓē ō, unən̄ gō róbə yān gə̄ ō ní rɔ̄də́ nel̄də́!

JA̰A̰ 13:17

Kə́ ngɔr ń toō tə́ ní ī-gerī yá̰á̰ ní kɔ̄ɔ́, ba ré ī-rāāī beé anī, rɔ̄sí a nel̄sí.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

Gōsə̄ najə̄ gə̄ 11:20

De gə̄ ń gól̄ loo rosə kemdə́ ní nin̄ i de kə́ yḛr gə̄ ta kum Kɔ́ɔ̄ɓē tə́, banī Kɔ́ɔ̄ɓē ndigə najə̄ yā de kə́ sew gə̄.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

JEJU TEĒ KUM JA̰A̰ 22:14

Ngé gə̄ ń tə́gon̄ kūbə̄ ngāl̄ yādə́ gə̄ ní, rɔ̄də́ nel̄də́. Tɔdɔ̄ nin̄ a əngen̄ ta róbə kəsa kan̄ kāgə̄ ndi kə kumuú ní ō, a udən̄ kem ɓē ní tə́ kə ta róbə gə̄ ní ō.

PĀ GƏ̄ 101:6

M-ā m-á̰á̰ ngé ra dɔ ndūdə́ tə́ gə̄ kə́ kem ɓēé yā ger̄də́, yā kadə̄ nin̄ ndin̄ kadəḿ tə́. De kə́ nge rāā yá̰á̰ kə́ gōtə́ a rāā kəla yāḿ.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

Gōsə̄ najə̄ gə̄ 13:6

Háĺ kə́ gōtə́ yā de kə́ sew a ngɔ̄mən, ba rāā majaĺ a nujə ngé kem ndul gə̄.

2 SAMUEL 22:22

Tɔdɔ̄ m̄-rāā yá̰a̰ gə̄ ń Kɔ́ɔ̄ɓē ɔjəm̄ ní, m̄-rāā háĺ kə́ sew aĺ kə Nə́ɓā yāḿ alé.

Gōsə̄ najə̄ gə̄ 29:18

Dan ń Nə́ɓā teē kum ngé ka̰a̰ yá̰a̰ gə̄ dɔ yá̰á̰ tə́ to̰ aĺ anī de gə̄ a rāān̄ i yá̰á̰ ń kemdə́ ndigə ní kanjə̄ kəhɔ rɔ̄də́ dɔ tə́, banī deē ń rāā yá̰á̰ ń ndū najə̄ əda ní rɔ̄n nelə̄n!