PĀ GƏ̄ 118:6 - Bibəl ta Sar̄

⁶ Kɔ́ɔ̄ɓē i dām̄ yāḿ tə́, adə̄ m̄-ɓōĺ yá̰á̰ kógə̄ḿ alé, de gə̄ a rāān̄ i rí seḿ?

Bible sar

⁶ Kɔ́ɔ̄ɓē i dām̄ yāḿ tə́, adə̄ m̄-ɓōĺ yá̰á̰ kógə̄ḿ alé, de gə̄ a rāān̄ i rí seḿ?

PĀ GƏ̄ 118:6 Referans Kwoze

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 56:4

Ndɔ̄ ń ɓōĺ rāām̄neé tə́ ní, m-ə̄ndā kemḿ dɔí tə́.

PĀ GƏ̄ 56:11

m̄-tɔ̄ȳ Nə́ɓā tām̄ najə̄ kɔrə̄n tə́. A̰á̰ā̰, m̄-tɔ̄ȳ Kɔ́ɔ̄ɓē tām̄ najə̄ ní tə́.

PĀ GƏ̄ 56:9

Ī-tə́da kutə njaḿ ń m̄-dáyń ní kɔ̄ɔ́ ɓá ní, ī-taā man̄ kumḿ kem kū yāí tə́ tā. Kutədə́ i kə́ ndang kem makətūbə̄ yāí tə́ aĺ a?

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

1 SAMUEL 17:11

Dan ń Saul nin̄ kə ngán Israel gə̄ malang oōn̄ najə̄ kɔr̄ Pilistin ngeé ń toō ní ndíĺdə́ a̰ȳ ō, ɓōĺ rāādə́ ngá̰ý ō.

1 SAMUEL 17:37

Dabid əda to̰ na: Kɔ́ɔ̄ɓē ń ɔrə̄m̄ kɔ̄ɔ́ ta hēl̄ jī ɓɔl tə́ ō, ta hēl̄ jī dā̰ úrsə tə́ ō ní, a ɔrə̄m̄ kɔ̄ɔ́ jī Pilistin ń toō tə́ ō. Saul əda Dabid na: Āw̄ ba ādə̄ Kɔ́ɔ̄ɓē i naā tə́ seí.

PĀ GƏ̄ 56:5

m̄-tɔ̄ȳ Nə́ɓā tām̄ najə̄ kɔrə̄n tə́, m-ə̄ndā kemḿ dɔn tə́, m̄-ɓōĺ to̰ alé. Deē a rāā i rí seḿ?

PĀ GƏ̄ 56:10

Ndɔ̄ ń m-ā m̄-ɓārī kadə̄ ī-dḭḭ̄m̄neé tə́ ní, madə̄ ba̰ā̰ḿ gə̄ a tūrə̄n̄ gándə́də́. M-ger̄ kadə̄ Nə́ɓā i seḿ māá.

PĀ GƏ̄ 56:12

M-ə̄ndā kemḿ dɔ tə́, m̄-ɓōĺ to̰ alé. De gə̄ a rāān̄ i rí seḿ?

PĀ GƏ̄ 94:16

I náā n a ḭḭ yā mbātə́ najə̄ gō ngé kem ndul gə̄ ń noō tə́ yā rɔ̄ɔń dɔḿ tə́ ní? I náā n a ḭḭ yā kənī najə̄ gírə́ḿ tə́ yā rɔ̄ɔń kə ngé rāā majaĺ gə̄ ń noō ní?

PĀ GƏ̄ 112:8

Ni-əhɔ wurən ngan̄g, ɓōĺ yá̰á̰ kógə̄ḿ aĺ ō, asə kídə̄ madə̄ ba̰ā̰n gə̄ ō.