PĀ GƏ̄ 118:26 - Bibəl ta Sar̄

²⁶ Ādə̄ Nə́ɓā rāā majə kə deē ń a udə laā kə rī Kɔ́ɔ̄ɓēé ní! Jə-ndi kem kújə yā Kɔ́ɔ̄ɓē tə́, jə-tɔ́rəń tají dɔsí tə́.

Bible sar

²⁶ Ādə̄ Nə́ɓā rāā majə kə deē ń a udə laā kə rī Kɔ́ɔ̄ɓēé ní! Jə-ndi kem *kújə yā Kɔ́ɔ̄ɓē tə́, jə-tɔ́rəń tají dɔsí tə́.

PĀ GƏ̄ 118:26 Referans Kwoze

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

JA̰A̰ 12:13

oōn̄ kadə̄ Jeju na a reē kə̄ Jerusalem. Anī ɔyn̄ ta jī túmbur gə̄, ba aw̄ tə́nīn̄ tan. Nin̄-əgan̄ kɔŕ ədan̄ na: Kɔsə gɔn i yā Nə́ɓā! Ādə̄ Nə́ɓā rāā majə kə nge ń a reē kə rī Kɔ́ɔ̄ɓēé ní! Ādə̄ Nə́ɓā rāā majə kə mban̄g kə Israel!

MATIYE 23:39

Tɔdɔ̄ ādə̄ m-ə́dásí, əla gír ngɔr ń toō tə́ ní, ā á̰a̰mī to̰ alé, bátə́ kadə̄ ə́daī na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní!

Najə̄ kə́ Majə yā Jeju ń Luk ndang ní 13:35

Ba ngɔlaā ní, Nə́ɓā a teē yā kəya̰ kújə yāsí ní jīsí tə́ yā kadə̄sí. Ba mā m-ə́dásí na ā á̰a̰mī to̰ alé. Ā á̰a̰mī aĺ bátə́ kadə̄ ré ndɔ̄ ń sḭḭ̄ ā ə́daīneé na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní.

PĀ GƏ̄ 129:8

Najə̄ ń na: Ādə̄ Kɔ́ɔ̄ɓē rāā majə sesí ní, ngé mān̄ róbə gə̄ ədan̄də́ aĺ ō. Jə-tɔ́r̄ tají dɔsí tə́ kə rī Kɔ́ɔ̄ɓēé.

PĀ GƏ̄ 134:3

Ādə̄ Kɔ́ɔ̄ɓē nge rāā dɔ rā̰ ō dɔ nang ō ń ndi Siyo̰ ní, rāā majə sesí!

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!