PĀ GƏ̄ 118:24 - Bibəl ta Sar̄

²⁴ Ndɔ̄ ń Kɔ́ɔ̄ɓē rāā ní n toó: I ndɔ̄ ndi majə yājí ō, ndɔ̄ rɔ̄nel̄ yājí ō!

Bible sar

²⁴ Ndɔ̄ ń Kɔ́ɔ̄ɓē rāā ní n toó: I ndɔ̄ ndi majə yājí ō, ndɔ̄ rɔ̄nel̄ yājí ō!

PĀ GƏ̄ 118:24 Referans Kwoze

PĀ GƏ̄ 84:10

Nə́ɓā, á̰a̰ deē ń i der yājí ní, á̰a̰ ta kum deē ń úr yibə̄ dɔn tə́ ní.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

1 MBAN̄G GƏ̄ 8:66

Kə̄ ndɔ̄ kə́ nge ko̰ sɔ́sɔ́ anī Salomo̰ əya̰ de gə̄ adə̄ aw̄n̄. De gə̄ ní rāān̄ mban̄g lápə́ya ba télən̄ kə̄ ɓē yādə́ gə̄ tə́ kə rɔ̄nelēé. Kemdə́ nel̄də́ ngá̰ý najə̄ yá̰á̰ kə́ majə gə̄ ń Kɔ́ɔ̄ɓē rāā kə nge kəla yān Dabid ō, kə Israel gə̄ ń i gír deē yān gə̄ ō, ní tə́.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

KƏLA RĀĀ 20:7

Jə-kán̄ naā kə ndɔ̄ dəmásá ta loo tíbə́ tə́ yā tetə mápa anī, Pol ɔr̄ najə̄ kə ngé kán̄ naā gēé. Dan ń teē bírí anī ni a ɔr̄ i dɔɔ́ yā kaw̄ ní, ni-ɔr̄ najə̄ sedə́ bátə́ dan loo tə́.

JAKARI 3:9

M-ə̄ndā mbal̄ kógə̄ḿ no Yesua tə́. Kum yá̰á̰ kə́ ndə́lē gə̄ sīrí i dɔ mbal̄ kə́ kógə̄ḿ beē nəkɔ́ ń noō tə́. Mə̄kɔ́ m-ā m̄-ndang yá̰á̰ kógə̄ḿ dɔ tə́ ō, yá̰a̰ rāā kə́ gōtə́ aĺ gə̄ kə́ kem ɓēé ń toō tə́ ní, m-ā m-ɔ̄r̄ kɔ̄ɔ́ i kem ndɔ̄ kógə̄ḿ beē ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.