PĀ GƏ̄ 118:13 - Bibəl ta Sar̄

¹³ Ḭ̄ ī-mbərem̄ kadə̄ m-ə̄sō, banī Kɔ́ɔ̄ɓē rāā seḿ.

Bible sar

¹³ Ḭ̄ ī-mbərem̄ kadə̄ m-ə̄sō, banī Kɔ́ɔ̄ɓē rāā seḿ.

PĀ GƏ̄ 118:13 Referans Kwoze

PĀ GƏ̄ 140:4

Nin̄ tə́lan̄ ndo̰də́ lim lim tītə̄ yā lī beé. Kong lī kakə́m rosə tadə́.

PĀ GƏ̄ 86:17

Ī-rāā yá̰á̰ kógə̄ḿ kə́ to rī ɓār̄ tām̄ yāḿ tə́, loo ń noō tə́ rɔ̄ madə̄ ba̰ā̰ḿ gə̄ a sɔl̄də́, dan ń a a̰a̰n̄ kadə̄ ḭ̄ Kɔ́ɔ̄ɓē ī-dḭḭ̄m̄ ō, ī-sɔl̄ kemḿ ō ní.

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

1 SAMUEL 20:3

Dabid túbə ba əda ɓáý to̰ na: Bɔbí ger̄ majə ngá̰ý kadə̄ ndílí aw̄ dɔ yāḿ tə́ adə̄ ni-əda kə̄ kemən tə́ na: Ādə̄ Jonatan ger̄ alé na wurən a ɔlən ngá̰ý. Ba tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií toō ō ní, mā i de kə gír yāḿ gān̄g kɔ̄ɔ́.

PĀ GƏ̄ 129:2

Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý, əlan̄ gír rāā kumḿ ndoō tə́ i dan ń dɔḿ dūúnń ɓáý ní, banī asən̄ rāā yá̰á̰ kógə̄ḿ seḿ alé.