PĀ GƏ̄ 113:9 - Bibəl ta Sar̄

⁹ Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. Aleluya!

Bible sar

⁹ Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. *Aleluya!

PĀ GƏ̄ 113:9 Referans Kwoze

PĀ GƏ̄ 68:6

Háĺ Nə́ɓā kə́ kem kújə́ kə́ táĺ yān tə́ n toó: Ni i bɔbə̄ ngán hal gə̄ ō, nge ka̰a̰ gō ngé ngaa koy gə̄ ō.

1 SAMUEL 2:5

Ngé gə̄ ń kété nin̄ i ngé ndān̄ gə̄ ní, ngɔlaā a rāān̄ i kəla yā madə̄də́ gə̄ yā kəngeń yá̰a̰ kəsa, ba ngé gə̄ ń kété nin̄ i ngé ɓō gə̄ ní, ngɔlaā rāān̄ kəla to̰ alé. Dəyá̰ kə́ kujə gə̄gē ojə ngán gə̄ nja sīrí, ba rɔ̄ kó̰ó̰ ngáń kósə ndəlē kɔ̄ɔ́.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

GALATƏ 4:27

Tɔdɔ̄ ndangən̄ kem makətūbə̄ yā Nə́ɓā tə́ na: Dəyá̰ kə́ kujə, ḭ̄ ń ójə ngōn̄ aĺ ní, ī-rāā rɔ̄nel̄. Ḭ̄ ń ī-ger̄ tápə̄ yā kojə ngōn̄ aĺ ní, ə́la ndīĺ rɔ̄nel̄. Tɔdɔ̄ ngán kem dəyá̰ kə́ kəya̰ kɔ̄ɔ́ i ngá̰ý tɔȳ ngán kem dəyá̰ kə́ ndi jī ngaan tə́.

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

TƏ́DA 5:28

Ba ré dəyá̰ ní əla rɔ̄sɔl̄ dɔ rɔ̄n tə́ alé, ré najə̄ gətóo dɔn tə́ anī, ndɔ̄ĺ a reē dɔn tə́ aĺ ō, ni a ojə ngán gə̄ ō.

2 MBAN̄G 4:17

Dəyá̰ ní ndān̄ ngōn̄ ba ojə kem ɓāl̄ kə́ kutə̄ gō tə́, kə nāā ń Elije ədanneé tə́ ní.