PĀ GƏ̄ 112:9 - Bibəl ta Sar̄

⁹ Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

Bible sar

⁹ Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

PĀ GƏ̄ 112:9 Referans Kwoze

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

Makətūbə̄ ń Pol ndang adə̄ Rom gə̄ ní 12:13

Ādī de gə̄ yā Nə́ɓā yá̰á̰ ń ndoōn rāādə́ ní. Ī-lōōī gír kəhɔ mbā gə̄ kə̄ rɔ̄sí tə́ alé.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

IJAI 58:10

loo yāí kə́ unjə̄ kow a to dan ndɔ̄ɔ́ ō, loo yāí kə́ risə til a to tītə̄ loo kə́ unjə̄ kow kadaá beē ō. A to tītə̄ ń noō loo ń ā ī-kēgə̄ yá̰a̰ kəsa yāí ādə̄ nge ɓō rāā ní, loo ń ā ādə̄ ngé gə̄ ń ndin̄ dan ndoō kə́ ngá̰ý tə́ yá̰a̰ kəsa ní.

IJAI 58:7

I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

PĀ GƏ̄ 92:10

Á̰a̰ madə̄ ba̰ā̰í gə̄, Kɔ́ɔ̄ɓē, á̰a̰ madə̄ ba̰ā̰í gə̄ a oyn̄ kɔ̄ɔ́ ō, ngé rāā yá̰a̰ majaĺ gə̄ malang a tə̄ndān̄ naā yā tḭ̄ḭ̄ ō.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

JA̰A̰ 13:29

Dan ń Judas i nge ngɔ̄m̄ ngong nar ní, de kə́rēý gə̄ gírə̄n̄ kadə̄ Jeju ədan i najə̄ mang yá̰á̰ kə́ tām̄ yā nāā tə́, aláa na mērən i kadə̄ ngé ndoō gə̄ yá̰a̰.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

MARK 14:7

Tɔdɔ̄ ngé ndoō gə̄ i sesí kə ndɔ̄ gə̄, adə̄ sḭḭ̄ ā ásiī rāā majə sedə́ dan ń kemsí ndigə ní, ba mā i sesí kə ndɔ̄ gə̄ alé.

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

PĀ GƏ̄ 112:3

Yá̰a̰ kənge kə́ ngá̰ý ō kə́ al̄ naā ō i kem kújə yān tə́ ō, yá̰a̰ rāān kə́ gōtə́ to ngándáńg ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

1 SAMUEL 2:1

Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

NDŪ NAJƏ̄ 15:11

Gíŕ ngé ndoō gə̄ kə́ kem ɓē yāsí tə́ a gān̄g alé. I yá̰á̰ ń toō n m-ə́dásí ní: Ī-teēī jīsí ngá̰ý kə̄ rɔ̄ ngákó̰ó̰sí gə̄ ń rɔ̄də́ tō ndoō ō, yá̰a̰ yādə́ gətóo ō ń ndin̄ kem ɓē yāsí tə́ ní.

KƏLA RĀĀ 4:35

ba reēn̄ kə narneé ɓōkə́n̄ no ngámbang kəla gə̄ tə́, adə̄ nə̄ɓōn̄ de gə̄ kógə̄ḿ kógə̄ḿ kə gō ndoōdə́ gēé.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

MATIYE 6:4

yā kadə̄ yá̰á̰ ń ādə̄n ní toń loo mundə̄ tə́ jəke. Anī Bɔbí ń i nge ka̰a̰ yá̰á̰ kə́ rāā loo mundə̄ tə́ jəke ní a əndā njaí.

IJAI 32:8

Banī de kə́ majə ɓōĺ ndíĺdə́ gə̄ ní, i yá̰á̰ kə́ súmūú gə̄ ngóy n nin̄ sāān̄ rāā ní ō, nin̄ a rāān̄ i yá̰á̰ kə́ ngáā gə̄ ō.

NDŪ NAJƏ̄ 15:14

Yá̰a̰ malang ń Kɔ́ɔ̄ɓē Nə́ɓā yāí rāań kem majə seí á i batə̄ aké i bə̄yā̰, aké i kōō gémē, aké i kasə nduú ní, ā ādə̄n tə́.

PĀ GƏ̄ 92:11

Ḭ̄ ī-tél ādə̄m̄ tɔ́gə gogə́ rang adə̄ m̄-ngan̄g tītə̄ dɔgə beé ō, úr yibə̄ kə́ kijə dɔḿ tə́ ō.

PĀ GƏ̄ 111:3

Kəla rāān ndə́lē pipir ō, bo to ɓōĺ ngá̰ý ō, háĺ kə́ gōtə́ yān to ngándáńg ō.

Gōsə̄ najə̄ gə̄ 14:24

Yá̰a̰ kənge i jākā mbang yā ngé kum kedə̄ gə̄, yā de kə́ mbóo gə̄ i kur̄ dɔ kə́ gətóó ngándáńg.

Gōsə̄ najə̄ gə̄ 21:26

Ni ndə̄ngā yá̰a̰ kə ndɔ̄ý bátə́ loo tíbə dɔn tə́, banī de kə́ súmūú adə̄ yá̰a̰ kanjə̄ ngɔ̄m̄ gotə tām̄ yān tə́.

KOHELET 3:6

Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.