PĀ GƏ̄ 112:4 - Bibəl ta Sar̄

⁴ Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

Bible sar

⁴ Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

PĀ GƏ̄ 112:4 Referans Kwoze

Makətūbə̄ yā Job 11:17

Ndií kə kumií a majə tɔȳ loo kə́ dan kadaá. Loo kə́ risə til nding a tél loo kə́ tīī unjə̄.

IJAI 58:10

loo yāí kə́ unjə̄ kow a to dan ndɔ̄ɔ́ ō, loo yāí kə́ risə til a to tītə̄ loo kə́ unjə̄ kow kadaá beē ō. A to tītə̄ ń noō loo ń ā ī-kēgə̄ yá̰a̰ kəsa yāí ādə̄ nge ɓō rāā ní, loo ń ā ādə̄ ngé gə̄ ń ndin̄ dan ndoō kə́ ngá̰ý tə́ yá̰a̰ kəsa ní.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

1 JA̰A̰ 3:7

Ngánə́ḿ kə́ dūú gə̄, ādī deē kógə̄ḿ rāāsí ādə̄ ī-ndúmī alé. Deē ń rāā yá̰á̰ kə́ gōtə́ ní, i de kə́ gōtə́ tītə̄ ń Jeju Kərist i de kə́ gōtə́ ní.

Najə̄ kə́ Majə yā Jeju ń Luk ndang ní 6:36

Ādī kumsí o̰o̰sí kə de gēé tītə̄ ń kum Bɔbə̄sí a o̰o̰nəń kə de gēé ní ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

PĀ GƏ̄ 106:1

Aleluya! Ɔ́siī gɔn Kɔ́ɔ̄ɓē, tɔdɔ̄ ni i nge kem ndaa ō, kem majə yān a to ngándáńg ō.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

PĀ GƏ̄ 37:6

Ni a ɔjə háĺ kə́ súmūú yāí kə̄ ndágá tītə̄ loo kə́ tīī unjə̄ ō, a rāā kadə̄ yá̰á̰ kə́ gōtə́ yāí teē ndágá tītə̄ loo kə́ dan kadə ndaá ō.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.

EPEJƏ 5:15

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

Makətūbə̄ yā Job 22:28

Ré ī-gḛy rāā yá̰á̰ kógə̄ḿ anī, yá̰á̰ ní a udə róbó majə ō, loo a unjə̄ kow dɔ róbə yāí tə́ ō.

Makətūbə̄ yā Job 29:3

Hor lámba yān unjə̄ dɔḿ tə́ ō, m-á̰a̰ loo ndɔ̄ɔ́ i kə ta kūl̄ loo yān kə́ unjə̄ kow n m-ā m̄-njə̄rań ní ō.

PĀ GƏ̄ 116:5

Kɔ́ɔ̄ɓē i nge kem ndaa ō, ni i de kə́ súmūú ō. Kum Nə́ɓā yājí a o̰o̰n tām̄ yā deē tə́.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

Gōsə̄ najə̄ gə̄ 21:21

Deē ń sāā tél de kə́ súmūú ō de kə́ nge kem majə ō ní a ndi kə kumneé ta kaw̄ jóo ō, a rāān̄ háĺ kə́ gōtə́ seneé ō, a rɔȳnən̄ ō.

IJAI 58:8

Loo ń noō tə́ loo kə́ unjə̄ kow yāí a teē tītə̄ ta gír loo kə́ atə wororo beé ō, do yāí a idə̄ láẃ ō. Yá̰a̰ rāāí kə́ gōtə́ a njə̄rā kété noí tə́ ō, kɔsə gɔn yā Kɔ́ɔ̄ɓē a njə̄rā gogə́ gōí tə́ ō.