PĀ GƏ̄ 112:3 - Bibəl ta Sar̄

³ Yá̰a̰ kənge kə́ ngá̰ý ō kə́ al̄ naā ō i kem kújə yān tə́ ō, yá̰a̰ rāān kə́ gōtə́ to ngándáńg ō.

Bible sar

³ Yá̰a̰ kənge kə́ ngá̰ý ō kə́ al̄ naā ō i kem kújə yān tə́ ō, yá̰a̰ rāān kə́ gōtə́ to ngándáńg ō.

PĀ GƏ̄ 112:3 Referans Kwoze

Gōsə̄ najə̄ gə̄ 15:6

De kə́ súmūú ndi i dan yá̰a̰ kənge kə́ ngá̰ý tə́, banī yá̰á̰ kə́ kənge kə ta róbə́ kə́ gōtə́ aĺ yā nge kem ndul a ndɔ́r̄ yá̰á̰ kə́ majaĺ yā reēń dɔn tə́.

Gōsə̄ najə̄ gə̄ 3:16

Ndi kə kumuú kə́ ndɔ̄ ngá̰ý i kem jīn kə́ ko̰ó̰ tə́, ba yá̰a̰ kənge ō, kɔsə gɔn ō i kem jīn kə́ geleé tə́.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

IJAI 33:6

Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

PĀ GƏ̄ 111:10

Ɓōĺ ndíl Kɔ́ɔ̄ɓē i ta kəla gír kum kedə̄. Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá kadə̄ nin̄ i de kə́ ngé ger̄ najə̄ gə̄. Tɔ̄ȳ yā Kɔ́ɔ̄ɓē to ngándáńg.

PĀ GƏ̄ 111:3

Kəla rāān ndə́lē pipir ō, bo to ɓōĺ ngá̰ý ō, háĺ kə́ gōtə́ yān to ngándáńg ō.

IJAI 51:8

Yō̰ gə̄ a əsan̄də́ tītə̄ loo kəsa kūbə̄ beé ō, kur̄ gə̄ a əsan̄də́ tītə̄ loo kəsa bḭḭ̄ batə̄ kə́ yā kəjō kūbə̄ tə́ beé ō. Banī kajə ń m̄-reēń ní ta tɔ̄l̄ tan a gətóo ō, teē ɓəloó a to tām̄ yā de gə̄ malang ń a ojən̄də́ kem ɓāl̄ gə̄ ń a reēn̄ tə́ ní ō.

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

Makətūbə̄ yā Job 5:24

Ā ī-ndi majə kem kújə yāí tə́. Ā ī-tél yā kə́nge yá̰a̰ kul̄ yāí gə̄ gogə́ kadə̄ kumdə́ ɔsə naā.

PĀ GƏ̄ 34:10

Sḭḭ̄ ń Kɔ́ɔ̄ɓē ɔr̄ kam̄sí tayā tām̄ yān tə́ ní, ī-ɓōlíī ndílən! Tɔdɔ̄ ngé gə̄ ń ɓōlə́n̄ ndílən ní a nalə̄n̄ yá̰á̰ kógə̄ḿ alé.

PĀ GƏ̄ 34:11

Ndoō ō ɓō ō a rāā ngé kənge yá̰a̰ gə̄, banī ngé sāā Kɔ́ɔ̄ɓē gə̄ nalə̄n̄ yá̰á̰ kógə̄ḿ alé.

Gōsə̄ najə̄ gə̄ 21:20

Yá̰a̰ kənge kə́ gātə̄n i ngá̰ý ō, yá̰a̰ kal̄ loo ō i ɓē nge kum kedēé, banī de kə́ mbóo nujə yá̰a̰ kənge yān gə̄ malang kɔ̄ɔ́!