PĀ GƏ̄ 112:10 - Bibəl ta Sar̄

¹⁰ Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.

Bible sar

¹⁰ Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.

PĀ GƏ̄ 112:10 Referans Kwoze

Najə̄ kə́ Majə yā Jeju ń Luk ndang ní 13:28

Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, ngé koō ta gə̄ malang ō, kem Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní.

Gōsə̄ najə̄ gə̄ 11:7

Dan ń nge kem ndul oy anī kəndā kem dɔ yá̰á̰ tə́ yān oy ō, kəndā kem dɔ yá̰a̰ kənge yān gə̄ tə́ oy ō.

Gōsə̄ najə̄ gə̄ 10:28

Ta tɔ̄l̄ ta ngóō yá̰a̰ yā de kə́ súmūú gə̄ i rɔ̄nel̄, banī kəndā kem dɔ yá̰á̰ tə́ yā ngé kem ndul gə̄ a teē yá̰á̰ kógə̄ḿ alé.

PĀ GƏ̄ 86:17

Ī-rāā yá̰á̰ kógə̄ḿ kə́ to rī ɓār̄ tām̄ yāḿ tə́, loo ń noō tə́ rɔ̄ madə̄ ba̰ā̰ḿ gə̄ a sɔl̄də́, dan ń a a̰a̰n̄ kadə̄ ḭ̄ Kɔ́ɔ̄ɓē ī-dḭḭ̄m̄ ō, ī-sɔl̄ kemḿ ō ní.

PĀ GƏ̄ 37:12

Nge kem ndul núm̄ yá̰á̰ kə́ majaĺ loo mundə̄ tə́ yā rāā kə de kə́ súmūú. Ni əndān ɓam.

Makətūbə̄ yā Job 8:13

Ngé gə̄ ń dɔdə́ ndígə̄nal Nə́ɓā kɔ̄ɔ́ ní, yá̰á̰ ń əndān̄ dɔdə́ tə́ kadə̄ rāādə́ ní n noó. Kəndā kem dɔ tə́ yā nge tɔ́sə̄ najə̄ kə̄ ndágá a oy kɔ̄ɔ́.

MATIYE 22:13

Anī mban̄g əda ngé kəla yān gə̄ na: Ī-tó̰ō̰ī jīn gə̄ kə njan gə̄ ba ə̄nīniī ndágá kum til tə́. De gə̄ a nōōn̄ ō, a máyā̰n̄ gɔgədə́ ō, i loo ń noō tə́.

MATIYE 8:12

Banī ngé gə̄ ń Nə́ɓā rāā Ɓē ko̰o̰ tām̄ yādə́ tə́ ní, a tə̄ɓān̄də́ ndágá kɔ̄ɔ́ kadə̄ nin̄ i kum til tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

Makətūbə̄ yā Job 20:7

ni a gətóo kɔ̄ɔ́ i kə́ njɔ́ḿ gə̄ tə́, tītə̄ ń yedə̄n gətóoń ní beē. Ngé gə̄ ń kété a̰a̰nən̄ ní, a ədan̄ na ké ni i rá wa.