PĀ GƏ̄ 11:7 - Bibəl ta Sar̄

⁷ Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

Bible sar

⁷ Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.

PĀ GƏ̄ 11:7 Referans Kwoze

JEJU TEĒ KUM JA̰A̰ 22:4

Nin̄ a a̰a̰n̄ ta kumən ō, a ndangən̄ rīn nɔtə nodə́ tə́ ō.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

1 PIYER 3:12

Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

Makətūbə̄ yā Job 36:7

Ni un kumən kɔ̄ɔ́ ta de kə́ gōtə́ gə̄ tə́ alé. J-ɔrī najə̄ yā mban̄g gə̄ ń ndin̄ dɔ kōr̄ kāgə̄ mbang tə́ ní ō. Nə́ɓā əndādə́ dɔ tə́ i yā kadə̄ nin̄ o̰o̰n̄ ɓē dan i ngá̰ý. Banī nin̄ ɔjən̄ rɔ̄də́.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

PĀ GƏ̄ 42:5

Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

PĀ GƏ̄ 33:5

Ni gḛy i yá̰á̰ kə́ rāā kə́ gōtə́, ō yá̰á̰ kə́ súmūú ō. Kem majə yā Kɔ́ɔ̄ɓē taā loo dɔ nang tə́ malang.

PĀ GƏ̄ 21:6

Ī-tetə rɔ̄ɔ̄ ādə̄n adə̄ rīn ɓār̄ ngá̰ý. ī-rāā ādə̄ ni-tél de kə́ bo, adə̄ de gə̄ ɓōlə́n̄ ndílən.

PĀ GƏ̄ 5:12

Loo ń noō tə́ de gə̄ malang ń ḭ̄ i loo ɓɔ̄ɔ̄ rɔ̄ yādə́ ní a rāān̄ rɔ̄nel̄. Nin̄ a rāān̄ walya ngándáńg. Ngé gə̄ ń rīí nel̄də́ ní ā ī-rāādə́ kadə̄ əgan̄ kɔŕ rɔ̄nel̄ ō, ā ī-ngɔ̄m̄də́ ō.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

PĀ GƏ̄ 146:8

Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

PĀ GƏ̄ 7:11

Der yāḿ kə́ nge taā dɔḿ i Nə́ɓā kə́ nge kajə de gə̄ ń kemdə́ i súmūú ní.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

PĀ GƏ̄ 45:8

Yá̰á̰ kə́ gōtə́ nelī, ba yá̰á̰ kə́ majaĺ nelī aĺ ngá̰ý. Nə́ɓā, i tām̄ ń toō tə́ n Nə́ɓā yāí ur yibə̄ rɔ̄nel̄ dɔí tə́ gə̄rāīneé ḭ̄ ba i madí gə̄ aĺ ní.

Gōsə̄ najə̄ gə̄ 15:9

Háĺ ngé kem ndul gə̄ i yá̰á̰ kə́ yḛr ta kum Kɔ́ɔ̄ɓē tə́, banī ni táŕ ngé ngɔ̄də̄ gō yá̰á̰ kə́ gōtə́ gə̄ tə́.