PĀ GƏ̄ 11:5 - Bibəl ta Sar̄

⁵ Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

Bible sar

⁵ Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

PĀ GƏ̄ 11:5 Referans Kwoze

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

1 PIYER 4:12

Kó tár gə̄, yá̰á̰ kə́ tōr̄ ń rāā rɔ̄n i hor kə́ təngā ngá̰ý kə́ to dansí tə́ yā nāāsí ní, ī-lōōī kadə̄ ɔr kumsí tītə̄ kə́ i yá̰á̰ kə́ jákə́ n a rāāsí beē.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

PĀ GƏ̄ 26:2

Kɔ́ɔ̄ɓē, ə̄ndā ma̰ȳḿ ō ī-nāām̄ ō, á̰á̰ gír̄ kə́ kemḿ tə́ ō.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

PĀ GƏ̄ 21:8

A̰á̰ā̰, mban̄g əndā kemən i dɔ Kɔ́ɔ̄ɓē tə́ ō, kem majə yā Nə́ɓā kə́ dɔɔ́ sa̰y ngá̰ý rāā adə̄ ni-ra ngan̄g ō.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

JEREMI 12:8

Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

PĀ GƏ̄ 139:1

Pā kə́ kem makətūbə̄ yā ngār yā gōsə̄ gə̄ tə́. I pā yā Dabid. Kɔ́ɔ̄ɓē, ḭ̄ á̰a̰ loo bátə́ téē kemḿ tə́ ō, ī-ger̄ najə̄ kə́ dɔḿ tə́ malang ō.

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

MALASI 3:3

Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

PĀ GƏ̄ 5:6

De kə́ nge ɓōĺ ndíl deē alé a aw̄ ta kumií tə́ alé. Ngé rāā majaĺ gə̄ malang ní nelī sedə́ alé.

JEREMI 20:12

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.