PĀ GƏ̄ 11:4 - Bibəl ta Sar̄

⁴ Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

Bible sar

⁴ Kɔ́ɔ̄ɓē ndi kem kújə yān kə́ *táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

PĀ GƏ̄ 11:4 Referans Kwoze

PĀ GƏ̄ 103:19

Kɔ́ɔ̄ɓē əndā kōr̄ kāgə̄ mbang yān dɔ rā̰ tə́. Ni-o̰o̰ ɓē dɔ yá̰a̰ gə̄ tə́ malang.

PĀ GƏ̄ 18:6

Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

PĀ GƏ̄ 2:4

Banī Kɔ́ɔ̄ɓē əgō mḛy, nge ń ndi dɔ rā̰ tə́ ní mbóo sedə́.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

PĀ GƏ̄ 33:13

Kɔ́ɔ̄ɓē ndi dɔ rā̰ tə́ dɔɔ́ a̰a̰ń loo, ni-a̰a̰ de gə̄ malang.

JEJU TEĒ KUM JA̰A̰ 4:2

Anī kə̄ ta jī tə́ noō Ndíl əhɔm̄, ba yá̰á̰ ń m-á̰a̰ā̰ ní n toó: Kōr̄ kāgə̄ mbang kógə̄ḿ i kə́ kəndā dɔ rā̰ tə́ ō, deē kógə̄ḿ ndi dɔ tə́ ō.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

MATIYE 23:21

Deē ń túbə kə kújə yā Kɔ́ɔ̄ɓēé ní, túbə i kə kújə yā Kɔ́ɔ̄ɓē ō, kə Nə́ɓā ń ndi kemeé ní ō.

MATIYE 5:34

Ba mā m-ə́dásí ī-lōōī túbə kə dɔ rā̰, tām̄ i kōr̄ kāgə̄ mbang yā Nə́ɓā.

PĀ GƏ̄ 66:7

Ni-o̰o̰ ɓē kə tɔ́gəneé ngándáńg ō, əndā kumən gō gíŕ nápar de gə̄ tə́ ō. Ādə̄ ngé mbātə́ najə̄ gə̄ ɔsən̄ rɔ̄də́ kə̄ dɔɔ́ alé!

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

1 YÁ̰A̰ GƏ̄ 17:5

Tɔdɔ̄ əla gír ndɔ̄ ń m̄-teēń kə Israel kɔ̄ɔ́ kem ɓē kə́ Ejiptə tə́ bátə́ ɓōólaā ní, m̄-ndi i kem kújú alé, banī m̄-ndi i gír kújə tandā gə̄ tə́ n m-ā m̄-ndɔ́təń kə̄ kété kété ní.

KƏLA RĀĀ 7:49

Ni-əda na: Kɔ́ɔ̄ɓē əda na, dɔ rā̰ i kōr̄ kāgə̄ mbang yāḿ ō, dɔ nang i kōr̄ kāgə̄ kəndā nja yāḿ ō. I kújə́ kə́ ba̰ý n ā ī-rāāī yā kadə̄m̄ ní? Loo ń kadə̄ m̄-ndi tū tə́ m-ɔ̄rəń koō ní i loo kə́ rá?

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

PĀ GƏ̄ 9:11

Kɔ́ɔ̄ɓē, ādə̄ ngé gə̄ ń gerə̄n̄ rīí ní əndān̄ kemdə́ dɔí tə́, tɔdɔ̄ ḭ̄ ə́yá̰ ngé gə̄ ń a sāānī ní kɔ̄ɔ́ alé.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

Makətūbə̄ yā Job 24:23

Ɓá tā ba Nə́ɓā əya̰n adə̄ ra ngan̄g ō, ndi loo yān jəke kanjə̄ sōl̄ yá̰á̰ kógə̄ḿ ō, banī ni-əndā kumən gíŕ hál de kə́ rang gə̄ tə́.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

PĀ GƏ̄ 113:5

I náā n to tītə̄ Kɔ́ɔ̄ɓē Nə́ɓā yājí ní? Ni-ndi i dɔɔ́ sa̰y nú.

PĀ GƏ̄ 139:23

Nə́ɓā, ə̄ndā ma̰ȳḿ ō, á̰a̰ ngarā̰ kemḿ ō, ī-ger̄ najə̄ kə́ dɔḿ tə́ malang ō. Ī-nāām̄ ba ī-ger̄ gír̄ kə́ kemḿ tə́ gə̄.