PĀ GƏ̄ 11:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?

PĀ GƏ̄ 11:1 Referans Kwoze

PĀ GƏ̄ 56:11

m̄-tɔ̄ȳ Nə́ɓā tām̄ najə̄ kɔrə̄n tə́. A̰á̰ā̰, m̄-tɔ̄ȳ Kɔ́ɔ̄ɓē tām̄ najə̄ ní tə́.

PĀ GƏ̄ 25:2

Nə́ɓā yāḿ, m-ə̄ndā kemḿ dɔí tə́ ba ī-lōō kəla rɔ̄sɔl̄ dɔḿ tə́! Ādə̄ madə̄ ba̰ā̰ḿ gə̄ tetəmə̄n̄ rɔ̄ɔ̄ alé!

1 SAMUEL 23:14

Dabid aw̄ ndi kem dəla loo kə́ Jip tə́, mbo̰ō̰ mbal̄ gə̄ kə́ loo kaw̄ tū tə́ tōr̄ ngá̰ý tə́, gō nang kə́ mbalá tə́. Saul ndəlen i kə dɔ ndɔ̄ gə̄, banī Nə́ɓā əya̰ Dabid adə̄ əsō jīn tə́ alé.

Najə̄ kə́ Majə yā Jeju ń Luk ndang ní 13:31

Kum mbang nəkɔ́ ń noō tə́ Parijiyḛ kə́rēý gə̄ ndɔ́tə̄n̄ kə̄ ngɔr ba ədanən̄ na: Ɔ́tə kɔ̄ɔ́ laā ba āw̄, tɔdɔ̄ Herod a sāā tɔ̄lī.

Gōsə̄ najə̄ gə̄ 6:5

Ɔ̄r̄ rɔ̄í kɔ̄ɔ́ kum gūmbə̄ tə́ tītə̄ jal̄, ɔ̄r̄ rɔ̄í kɔ̄ɔ́ kum tə́ tītə̄ yel̄ beé.

PĀ GƏ̄ 16:1

I pā yā Dabid. Nə́ɓā ī-ngɔ̄mə̄m̄, tɔdɔ̄ i ḭ̄ n m̄-rāāī loo ɓɔ̄ɔ̄ rɔ̄ yāḿ tə́ ní.

2 YÁ̰A̰ GƏ̄ 16:8

Kété ní Nubi gə̄ ō, Libi gə̄ ō, ɓoon̄ naā adə̄ nin̄ i ngé rɔ̄ɔ̄ kə́ kósə́ ngá̰ý gə̄ kə́ aw̄n̄ kə púsə rɔ̄ɔ̄ gə̄ ō, ngé kal̄ sə́nda gə̄ ō aĺ a? Ba Kɔ́ɔ̄ɓē əladə́ gíŕ tɔ́gə yāí tə́, tām̄ dan ń noō tə́ ní ə̄ndā tɔ́gí i dɔn tə́.

PĀ GƏ̄ 31:14

Najə̄ ń de kə́ ngá̰ý gə̄ tə́dan̄ dɔḿ tə́ ní m-ōō kə mbīḿ. Nin̄ ədan̄ na m-ə́la ɓōĺ kem de gə̄ ń ndi gīrə̄n̄ gidəḿ tə́ ní. Nin̄ sə̄lān̄ naā dɔḿ tə́, oōn̄ naā loo mundə̄ tə́ yā tɔ̄lə̄m̄.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

PĀ GƏ̄ 7:1

Pā nōō rɔ̄ yā Dabid. Ni-ənī pā ní i kə Kus kə́ Benjamḛ n adə̄ Kɔ́ɔ̄ɓē ní.

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

1 SAMUEL 20:38

Jonatan əga kɔŕ ba əda balsáá ní ɓáý to̰ na: Āw̄ láý ba ī-lōō dəba. Balsáá ní un kum gərā ní ba tél reē rɔ̄ Jonatan tə́.

1 SAMUEL 27:1

Dabid gír̄ najə̄ əda na: Ndɔ̄ kə́rēý tə́ anī Saul a ndi yā tɔ̄lə̄m̄ ɓáý. Yá̰á̰ kə́ só tə́ ń kadə̄ m̄-rāā ní i kadə̄ m-ā̰ȳ m-āw̄ dɔ nang yā Pilistin gə̄ tə́ kɔ̄ɔ́ ngóy. Loo ń noō tə́ Saul a lōō gír ndəlem̄ tə́ dɔ nang yā ngán Israel gə̄ tə́ malang ō m-ā m̄-teē jīn tə́ ō.

1 SAMUEL 22:3

Dabid ḭḭ noó aw̄ Misəpe dɔ nang kə́ Moab tə́, ba əda mban̄g kə́ Moab na: Ādə̄ bɔbə́ḿ ō kó̰ḿ ō ndin̄ sesí bátə́ kadə̄ m̄-gerə̄ń yá̰á̰ ń Nə́ɓā a sāā rāā seḿ ní.

1 SAMUEL 19:11

Saul əla de gə̄ kadə̄ gētə̄n̄ Dabid ta kújə yān tə́ kadə̄ ré teē dəloí anī kə tɔ̄l̄nən̄. Banī Mikal ń i nə̄yá̰ Dabid ní ədan yá̰á̰ ń a rāā yā rāā yá̰á̰ ní, ədan na: Ré ā̰ȳ ndɔ̄ɔ́ laā aĺ anī bírí a tɔ̄l̄nī.

NEHEMI 6:11

m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

PĀ GƏ̄ 7:2

Kɔ́ɔ̄ɓē, Nə́ɓā yāḿ, m̄-namī. Ájəm̄, ī-taām̄ jī ngé rāā kumḿ ndoō tə́ gə̄ tə́ malang.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?