PĀ GƏ̄ 109:6 - Bibəl ta Sar̄

⁶ Nin̄ ədan̄ dɔḿ tə́ na: Ɔ́jə dɔ nge kəndā najə̄ dɔ de gə̄ tə́ kógə̄ḿ kə́ kadə̄ əndā najə̄ dɔn tə́, i nge kem ndul kə́ kadə̄ ra dɔ jī ko̰n tə́.

Bible sar

⁶ Nin̄ ədan̄ dɔḿ tə́ na: Ɔ́jə dɔ nge kəndā najə̄ dɔ de gə̄ tə́ kógə̄ḿ kə́ kadə̄ əndā najə̄ dɔn tə́, i nge kem ndul kə́ kadə̄ ra dɔ jī ko̰n tə́.

PĀ GƏ̄ 109:6 Referans Kwoze

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

MATIYE 5:25

Ə̄ndāī najə̄ naā tə́ kə madə̄ kɔ̄līí láẃ dan ń sḭḭ̄ seneé i dɔ róbə́ tə́ ɓáý ta kaw̄ kə̄ loo sarya tə́ ní, na sōgə́ ni-əlaī jī nge rāā sarya tə́, kadə̄ nge rāā sarya əlaī jī nge ngɔ̄m̄ dəngáy tə́, kadə̄ ənīnī dəngáyá.

JA̰A̰ 13:2

Jeju nin̄ kə ngé ndóō yá̰a̰ yān gēé ndi a əsan̄ yá̰á̰ kə́ loo tíbí. Diabəl əndā kem Judas Iskariot ngōn̄ Simo̰ tə́ kɔ̄ɔ́ ɓá kadə̄ əla Jeju jī de gə̄ tə́.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

JA̰A̰ 13:27

Dan ń Judas taā gájə́ mápá ní anī, Sətan udə kemən tə́. Anī Jeju ədan na: Yá̰á̰ ń kadə̄ ī-rāā ní, ī-rāā láẃ.