PĀ GƏ̄ 109:5 - Bibəl ta Sar̄

⁵ Nin̄ rāāmə̄n̄ yá̰á̰ kə́ majaĺ kum gotə majə ń m̄-rāā sedə́ ní. Nin̄ imə̄mə̄n̄ tām̄ rāā ń m̄-rāā tɔdɔ̄də́ ní.

Bible sar

⁵ Nin̄ rāāmə̄n̄ yá̰á̰ kə́ majaĺ kum gotə majə ń m̄-rāā sedə́ ní. Nin̄ imə̄mə̄n̄ tām̄ rāā ń m̄-rāā tɔdɔ̄də́ ní.

PĀ GƏ̄ 109:5 Referans Kwoze

Gōsə̄ najə̄ gə̄ 17:13

Deē ń rāā majaĺ kum gotə majə kə́ rāān̄ seneé ní yá̰á̰ kə́ to kum kaȳ aĺ a teē kɔ̄ɔ́ kújú gōn tə́ alé.

PĀ GƏ̄ 38:20

Madə̄ ba̰ā̰ḿ gə̄ ndin̄ kə kumdə́ majə ō, ngangə̄n̄ ngá̰ý ō. Ngé kimə̄ḿ kanjə̄ kumən gə̄ i ngá̰ý.

TA KƏLA 44:4

Nin̄ teēn̄ kem ɓēé kɔ̄ɔ́ ba aw̄n̄ sa̰y aĺ ɓáý anī, Jəjep əda pajā yān na kə ngɔ̄də̄ gō de gə̄ ń noō. Ré əngedə́ anī, kə dəjedə́ na ké i tām̄ rí tə́ áké rāān̄ majaĺ kum gotə majə kə́ rāān̄ sedə́ ní wa,

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Najə̄ kə́ Majə yā Jeju ń Luk ndang ní 6:16

Judas kə́ ngōn̄ Jakə ō, Judas Iskariot ń tél nge kəla Jeju jī de gə̄ ní ō.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

2 SAMUEL 15:12

Dan ń Absalom a tun̄ yá̰a̰ anī əla gō Ahitopel nge kadə̄ Dabid kɔjə̄ tə́ kem ɓē yān tə́ Gilo. Adə̄ kutə de gə̄ yā Absalom a reē i kə̄ dɔ madə̄ tə́ ō, koō naā ní tɔ́gən aw̄ i kum kə́ kété kété ō.

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.