PĀ GƏ̄ 109:22 - Bibəl ta Sar̄

²² Ndoō rāām̄ ō, rɔ̄ḿ tō ndoō ō, adə̄ dan wurəḿ ənge do.

Bible sar

²² Ndoō rāām̄ ō, rɔ̄ḿ tō ndoō ō, adə̄ dan wurəḿ ənge do.

PĀ GƏ̄ 109:22 Referans Kwoze

PĀ GƏ̄ 86:1

Ndɔ̄ȳ yā Dabid Kɔ́ɔ̄ɓē, ī-nēl̄ mbīí ōoń ndūḿ, ī-ndigəm̄ tə́, tɔdɔ̄ mā i de kə́ ndoō ō, rɔ̄ḿ tō ndoō ngá̰ý ō.

PĀ GƏ̄ 102:4

Tɔdɔ̄ ndɔ̄ḿ gə̄ mānə̄n̄ tītə̄ sa hor beé, kə̄ngāḿ gə̄ o̰o̰n̄ hor tītə̄ ta kīr̄ hor beé.

PĀ GƏ̄ 40:17

Banī ngé sāāí gə̄ malang ní, ādə̄ rɔ̄nel̄ asədə́ nák najə̄ yāí tə́ ō, ngé gə̄ ń tárnī ḭ̄ nge kajə de gə̄ ní, ādə̄ ədan̄ ngándáńg na Kɔ́ɔ̄ɓē i de kə́ bo ō.

PĀ GƏ̄ 22:6

Nin̄ nōōn̄ kə̄ dɔí tə́ kadə̄ ī-rāā sedə́, anī ī-gān̄g dɔdə́. Əndān̄ kemdə́ dɔí tə́, anī rɔ̄də́ sɔl̄də́ alé.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

JA̰A̰ 12:27

Ngɔlaā ní ndílə́ḿ ndi kə gōó to̰ alé, ba kə m-ə́da na i rí tā. Kə m-ə́da na: Bɔbə́ḿ, ɔ̄rə̄m̄ kɔ̄ɔ́ kum mbang ń toō tə́ a? Ba i tām̄ yā kum mbang ngeé ń toō tə́ mandang n m̄-reēń ní.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

PĀ GƏ̄ 109:16

Tɔdɔ̄ usə deē ngeé ń toō dɔ rāā kem ndaa tə́ alé, ni-rāā nge ndoō kə́ rɔ̄n tō ndoō ngá̰ý gōtə́ alé, ni əndan adə̄ asə yon.

Makətūbə̄ yā Job 6:4

A̰á̰ā̰, Nə́ɓā kə́ tɔ́gən i ngá̰ý túrə̄m̄ kə kum gərā yān gēé, adə̄ dā̰ rɔ̄ḿ njíbə̄ kong kəga kə́ majaĺ ngá̰ý kə́ ta gərā yān gə̄ tə́. Yá̰a̰ gə̄ malang ń Nə́ɓā a əlań ɓōĺ kə́ ngá̰ý kem de gə̄ tə́ ní, əndān̄ rɔ̄də́ kə ta naá kə jī loo rɔ̄ɔ́ yā rɔ̄ɔ̄m̄.

2 MBAN̄G 4:27

Ba dan ń ugə̄ rɔ̄ deē yā Nə́ɓā tə́ dɔ mbalá anī, əhɔ njan. Geaji reē rɔ̄ dəyá̰ ní tə́ yā kəhɔn kə̄ gogə́, anī deē yā Nə́ɓā ədan na: Əya̰n tɔdɔ̄ rɔ̄n atə̄n. Ba yá̰á̰ ń rāā yá̰á̰ á rɔ̄n atə̄nneé ní Kɔ́ɔ̄ɓē mundə̄m̄ dɔ adə̄ m̄-ger̄ alé.

PĀ GƏ̄ 25:16

Kɔ́ɔ̄ɓē, ī-tūr̄ kumií kə̄ rɔ̄ḿ tə́ á̰a̰ kum tō ndoō yāḿ, tɔdɔ̄ mə̄kɔ́ i kə kérə́ḿ ō kumḿ tō ndoō ngá̰ý ō.