PĀ GƏ̄ 109:16 - Bibəl ta Sar̄

¹⁶ Tɔdɔ̄ usə deē ngeé ń toō dɔ rāā kem ndaa tə́ alé, ni-rāā nge ndoō kə́ rɔ̄n tō ndoō ngá̰ý gōtə́ alé, ni əndan adə̄ asə yon.

Bible sar

¹⁶ Tɔdɔ̄ usə deē ngeé ń toō dɔ rāā kem ndaa tə́ alé, ni-rāā nge ndoō kə́ rɔ̄n tō ndoō ngá̰ý gōtə́ alé, ni əndan adə̄ asə yon.

PĀ GƏ̄ 109:16 Referans Kwoze

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

PĀ GƏ̄ 37:14

Ngé kem ndul gə̄ ɔrən̄ gō ga̰ gərā yādə́ gə̄ yā túrəń de kə́ nge rɔ̄ tō ndoō ō, de kə́ ndoō ō, yā tɔ̄l̄də́. Ró̰ȳn̄ kaskar yādə́ gə̄ yā tə́gań kɔ́ɔ de kə́ súmūú gə̄.

MATIYE 5:7

Rɔ̄nel̄ i kə ngé gə̄ ń rāān̄ kem majə kə de gēé ní, tɔdɔ̄ Nə́ɓā a rāā kem majə sedə́.

PĀ GƏ̄ 37:32

Ngé kem ndul gə̄ umə̄n̄ de kə́ súmūú ō, sāān̄ tɔ̄lən ō.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

PĀ GƏ̄ 10:2

Nge kem ndul bám̄ ngé ndoō gə̄ kanjə̄ rɔ̄sɔl̄, əhɔdə́ kə kəla rāān kə́ majaĺ gə̄ kə́ loo mundə̄ tə́.

TA KƏLA 42:21

Anī nin̄ tél ədan̄ naā dɔ dáńdə́ tə́ na yá̰á̰ kə́ tōr̄ ń toō rāādə́ na i najə̄ yá̰á̰ kə́ majaĺ ń na n-rāān̄ kə ngōkó̰ó̰də́ ní, tɔdɔ̄ dan ń na rāādə́ ɓɔ́ ní, n-a̰a̰n̄ wur kɔl yān ba na n-oōn̄ yān aĺ bátə́. I tām̄ najə̄ ń noō tə́ n wur kɔl ń toō na əsōń dɔdə́ tə́ ní.