PĀ GƏ̄ 109:13 - Bibəl ta Sar̄

¹³ Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

Bible sar

¹³ Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

PĀ GƏ̄ 109:13 Referans Kwoze

Gōsə̄ najə̄ gə̄ 10:7

Kəga kem dɔ de kə́ súmūú tə́ i yá̰á̰ kə́ a rāā majə kə deé, banī dɔ de gə̄ a ndígə̄nal rī ngé kem ndul gə̄.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

Makətūbə̄ yā Job 18:19

Ngōnən kə́ gír kojə yān tə́ kə́ yā kaw̄ kə ta ndo̰neé kum kə̄ kété gotən tə́ a gətóo ō, dan de gə̄ malang kə́ kem kújə yān tə́ ní, deē kógə̄ḿ kə́ yā teē a gətóo ō.

JEREMI 22:30

Kɔ́ɔ̄ɓē ɔr̄ najə̄ i tītə̄ ń toō: Ī-ndangiī najə̄ kə́ dɔ deē ń toō tə́! I de kə́ nujə kɔ̄ɔ́. I ngōn̄ kə́ dəngam kə́ kəla rāān teēn yá̰á̰ tə́ aĺ bátə́ dan ń ndiń kə kumneé ní. Dan ngán kaaí gə̄ tə́ ní, nge kə́ kal kógə̄ḿ kə́ a asə ndi dɔ kōr̄ kāgə̄ mbang yā Dabid tə́ ō, kə́ a asə ko̰o̰ ɓē dɔ Juda tə́ ō ní gətóo.

PĀ GƏ̄ 21:10

Ndɔ̄ ń ā ī-teē bus tə́ ní, ā ī-rāā kadə̄ ton̄ tītə̄ hor kə́ ajə ying beé. Kɔ́ɔ̄ɓē a nujə sedə́ sáksák kɔ̄ɔ́ kə wōngōó ō, hor a o̰o̰də́ ō.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

NDŪ NAJƏ̄ 25:19

Dan ń Kɔ́ɔ̄ɓē Nə́ɓā yāí a əndāī loo kə́ madə̄ ba̰ā̰í gə̄ malang ń gīrə̄n̄ gidií ní asən̄ kɔdə rɔ̄í tū tə́ aĺ tə́ ō, a əndāī dɔ nang ń adī kadə̄ ī-ndi lɔm tū tə́ tə́ ní ō anī, ā ī-tɔ̄l̄ Amalek gə̄ kɔ̄ɔ́ malang kadə̄ əga kem deē kógə̄ḿ kə́ dɔ nang tə́ dɔdə́ tə́ to̰ alé. Ādə̄ dɔí ndígə̄nal alé.

NDŪ NAJƏ̄ 9:14

Ə́ya̰m̄ ādə̄ m̄-nujə sedə́ kɔ̄ɔ́ malang. M-ā m̄-rāā kadə̄ dɔ de gə̄ ndígə̄nal dɔ rīdə́ tə́ kɔ̄ɔ́ dɔ nang tə́. Ba m-ā m̄-rāāī ḭ̄ kadə̄ ī-téĺ nápar de gə̄ kə́ tɔ́gə́də́ ō, kutədə́ ō i ngá̰ý tɔȳ yādə́.

TƏ́DA 27:4

Ní kə rī bɔbə̄jí kə gətóo dan de gə̄ kə́ gīr kaa yān tə́ tām̄ ngōn̄ kə́ dəngam kə́ ojə aĺ tə́ a? Ādə̄jí dɔ nang tītə̄ ń ādəń ngákó̰o̰ bɔbə̄jí gə̄ ní ō.

1 MBAN̄G GƏ̄ 16:11

Dan ń ni i mban̄g á ndi dɔ kōr̄ kāgə̄ mbang tə́ ɓá ní, ni tɔ̄l̄ gír kojə yā Baasa malang kɔ̄ɔ́ kanjə̄ kəya̰ deē kógə̄ḿ. Ngōn̄ kə́ dūú aáā de kə́ tɔgə aáā ni əya̰ alé. Ni tɔ̄l̄ ngéén gə̄ ō, madə̄n gə̄ ō malang.

Makətūbə̄ yā Job 18:17

Əga kem de kə́ dɔ nang tə́ gə̄ dɔn tə́ to̰ alé. A ɓārə́n̄ rīn loo kə́rēý tə́ dɔ nang tə́ to̰ alé.

PĀ GƏ̄ 21:11

Ā ī-rāā kadə̄ ngán kaadə́ gə̄ gətóon̄ kɔ̄ɔ́ dɔ nang tə́. Ā ī-tɔ̄ɔ̄ kōōdə́ kɔ̄ɔ́ dan de gə̄ tə́.