PĀ GƏ̄ 104:1 - Bibəl ta Sar̄

¹ Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

Bible sar

¹ Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

PĀ GƏ̄ 104:1 Referans Kwoze

PĀ GƏ̄ 103:22

Sḭḭ̄ malang ń Kɔ́ɔ̄ɓē rāāsí ní, ká ī-ndiī kem ɓē ko̰o̰ yān tə́ i loo kə́ rá tə́ gə̄gē anī, ī-ɓōkə́niī tɔ̄ȳ. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.

PĀ GƏ̄ 145:3

Kɔ́ɔ̄ɓē i de kə́ bo, i náā n asə ger̄ gír. Ɓōkə́nən̄ tɔ̄ȳ asə kə̄ ta tə́ ta ngóy boon̄ gətóo.

PĀ GƏ̄ 96:6

Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ táĺ tə́.

IJAI 59:17

Yá̰a̰ rāā kə́ gōtə́ i kūbə̄ rɔ̄ɔ̄ ń ni-əla rɔ̄n tə́ ní, kajə deē i jākā ń ni-əla dɔn tə́ ní. Rāā ba̰ā̰ i kūbə̄ ń ni utə̄ń gidə rɔ̄n ní. Təngā ta rɔ̄ɔ̄ tə́ i kūbə̄ ń ɓírə̄n ní.

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

PĀ GƏ̄ 104:35

Ādə̄ ngé rāā majaĺ gə̄ gətóon̄ kɔ̄ɔ́ dɔ nang tə́ ō, ādə̄ ngé kem ndul gə̄ ndin̄ kə kumdə́ to̰ aĺ ō! Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Aleluya!

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

PĀ GƏ̄ 7:1

Pā nōō rɔ̄ yā Dabid. Ni-ənī pā ní i kə Kus kə́ Benjamḛ n adə̄ Kɔ́ɔ̄ɓē ní.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

DANIEL 7:9

m̄-na̰y kə̄ loo ka̰a̰ yá̰á̰ tə́ ɓáý: Tə́ndān̄ kōr̄ kāgə̄ mbang gə̄, anī deē kógə̄ḿ kə́ tɔgə ɓə́ga reē ndi. Kūbə̄ kə́ rɔ̄n tə́ na tītə̄ búy kūbə̄ beé nənga dɔn to tītə̄ bḭḭ̄ batə̄ kə́ ndaa kə́ tə́go beé ō. Kōr̄ kāgə̄ mbang yān i kə́ rāā kə ndo̰ horoó ō, njan kə́ gōr̄ gə̄ i kə́ rāā kə hor kə́ unjūú ō.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.