PĀ GƏ̄ 103:5 - Bibəl ta Sar̄

⁵ Ni ngɔ̄m̄ ɓə́gáí kə yá̰a̰ kəsa yān kə́ majə gēé ō, rāā adə̄ ī-tél de kə́ balsáa ō, ɔ́l watang tītə̄ kə̄rō ō.

Bible sar

⁵ Ni ngɔ̄m̄ ɓə́gáí kə yá̰a̰ kəsa yān kə́ majə gēé ō, rāā adə̄ ī-tél de kə́ balsáa ō, ɔ́l watang tītə̄ kə̄rō ō.

PĀ GƏ̄ 103:5 Referans Kwoze

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

PĀ GƏ̄ 107:9

Tɔdɔ̄ ngé gə̄ ń míndə́də́ tutə kákə́rá kákə́rá ní, ni-adə̄də́ man̄ adə̄ a̰ȳn̄. Ngé gə̄ ń ɓō asədə́ nák ní, ni-adə̄də́ yá̰a̰ kəsa adə̄ əsa ndānə̄n̄ ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

2 KORḚNTƏ 4:16

I tām̄ najə̄ ń noō tə́ n j-əhɔń rɔ̄jí tɔgə ní. Ré rɔ̄jí kə́ ndágá a nujə i mbée gə̄gē anī, ndíĺjí kə́ kemeé a tél i kə́ kijə kə dɔ ndɔ̄ gə̄.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.

PĀ GƏ̄ 104:28

Ḭ̄ ādə̄də́ anī nin̄ taān̄. Ī-teē jīí anī nin̄ əsan̄ yá̰a̰ ndānə̄n̄.

PĀ GƏ̄ 23:5

Ī-rāā yá̰a̰ kəsa ə̄ndā noḿ mā tə́, ta kum madə̄ ba̰ā̰ḿ gə̄ tə́. ī-tə́te yibə̄ kə́ otə mbo̰o̰ dɔḿ tə́, ḭ̄ ī-rāā adə̄ yá̰á̰ kə́ kem kál yāḿ tə́ rosə rerep.

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

JOJUE 14:11

ba tɔ́gə́ḿ to tītə̄ kə́ kété ń Moijə əlamə̄ń kəndā ma̰ȳ looó ní. Tɔ́gə́ḿ kə́ ɓōólaā to tītə̄ tɔ́gə́ḿ kə́ kété ń m-ā m̄-rɔ̄ɔń ō, m-ā m̄-rāań yá̰á̰ kə́ rang gə̄ ō ní.

Makətūbə̄ yā Job 33:25

Loo ń noō tə́, nge mo̰y tél ənge tɔ́gə gogə́ rang, rɔ̄n tél to mbōl̄ tītə̄ kə́ kə ngōn̄ dūúneé beé.