PĀ GƏ̄ 103:2 - Bibəl ta Sar̄

² Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. Yá̰á̰ kə́ majə gə̄ ń ni-rāā seí ní, ī-lōō kadə̄ dɔí ndígə̄nal nge kógə̄ḿ!

Bible sar

² Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. Yá̰á̰ kə́ majə gə̄ ń ni-rāā seí ní, ī-lōō kadə̄ dɔí ndígə̄nal nge kógə̄ḿ!

PĀ GƏ̄ 103:2 Referans Kwoze

IJAI 63:7

m̄-ndigə ter̄ kem de gə̄ dɔ rāā majə gə̄ yā Kɔ́ɔ̄ɓē tə́, dɔ kum kənī pā tɔ̄ȳ yān tə́: Yá̰a̰ malang ń Kɔ́ɔ̄ɓē rāā tām̄ yājí tə́ ní, kem majə yān kə́ ngá̰ý kə́ tām̄ yā gír de gə̄ yā Israel tə́, yá̰a̰ malang ń ni-rāā kə ta kūl̄ táŕ ní ō, rāā majə yān gə̄ ń gír i ngá̰ý ní ō.

PĀ GƏ̄ 116:12

I rí n kə m̄-rāā m-ādə̄ Kɔ́ɔ̄ɓē kum gotə yá̰a̰ malang kə́ majə ń ni-rāā tām̄ yāḿ tə́ ní?

PĀ GƏ̄ 105:5

Sḭḭ̄ ngán kaa nge kəla yān Abəraham gə̄, sḭḭ̄ ngán Jakob gə̄ ń ni gə̄rāsí ní, ādə̄ əga kemsí dɔ yá̰á̰ kə́ yáā gə̄ ō, kə́ to ɓōĺ gə̄ ō ń ni-rāā tə́ ní ō, dɔ sarya gə̄ ń ni-gān̄g tə́ ō ní.

NDŪ NAJƏ̄ 6:12

Ba ādī dɔsí ndígə̄nal dɔ Kɔ́ɔ̄ɓē ń ɔr̄sí ɓəloó kɔ̄ɔ́ kem ɓē kə́ Ejiptə tə́ ní alé.

2 YÁ̰A̰ GƏ̄ 32:25

Banī Ejekias ger̄ majə ń Nə́ɓā rāā seneé ní alé, ba ɔjə rɔ̄n ngá̰ý adə̄ Kɔ́ɔ̄ɓē rāā wōn̄g seneé ō, rāā wōn̄g kə ɓē kə́ Jerusalem ō, kə ɓē ko̰o̰ kə́ Juda ō.

NDŪ NAJƏ̄ 32:18

Ngán Israel gə̄, mbal̄ ń ojəsí ní sḭḭ̄ ī-rāāniī nja bə̄yā̰ kə́ gogə́ tə́. Dɔsí ndígə̄nal dɔ Nə́ɓā ń i bɔbə̄sí tə́ ní.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

PĀ GƏ̄ 106:21

Dɔdə́ ndígə̄nal Nə́ɓā kə́ nge kajədə́ ń rāā yá̰á̰ kə́ bo gə̄ kété dɔ nang kə́ Ejiptə tə́ ō,

PĀ GƏ̄ 106:7

Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

NGÉ SARYA 5:2

Dan ń dɔ nang kə́ Israel tə́ de gə̄ əya̰n̄ nənga dɔdə́ adə̄ to gususu tām̄ yā rɔ̄ɔ̄ tə́ ō, adə̄n̄ rɔ̄də́ kə gō kem ndigə yādə́ ō anī, ī-tɔ̄yī Kɔ́ɔ̄ɓē.

NGÉ SARYA 5:9

Kemḿ i kə ngal ngé rɔ̄ɔ̄ gə̄ kə́ Israel tə́ ō, kemḿ i kə ngán Israel gə̄ ń adə̄n̄ rɔ̄də́ kə gō kem ndigə yādə́ ní ō. ī-tɔ̄yī Kɔ́ɔ̄ɓē.