PĀ GƏ̄ 103:11 - Bibəl ta Sar̄

¹¹ Tītə̄ ń dɔ rā̰ i dɔɔ́ dɔ dɔ nang tə́ ní, kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.

Bible sar

¹¹ Tītə̄ ń dɔ rā̰ i dɔɔ́ dɔ dɔ nang tə́ ní, kemən majə ngá̰ý tām̄ yā ngé ɓōĺ ndílən gə̄ tə́ adə̄ tɔȳ dɔdə́ ō.

PĀ GƏ̄ 103:11 Referans Kwoze

PĀ GƏ̄ 57:10

Kɔ́ɔ̄ɓē, m-ā m̄-rāāī kə́ra dan gír de gə̄ tə́. M-ā m-ə̄nī pā yā kadī dan nápar de gə̄ tə́.

Najə̄ kə́ Majə yā Jeju ń Luk ndang ní 1:50

Kem majə yān a to ngándáńg tām̄ yā ngé ɓōĺ ndílən gə̄ tə́.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 36:5

Dan ń to ndɔ̄ɔ́ anī, a núm̄ i yá̰á̰ kə́ majaĺ kə́ yā teē rāā. Ni un gō róbə́ kə́ majaĺ kə̄ non tə́, mbātə́ yá̰á̰ kə́ majaĺ aĺ bátə́.

Gōsə̄ najə̄ gə̄ 25:3

Loo ń dɔ rā̰ ḭḭ kum kə̄ dɔɔ́ bátə́ ugə̄ tū tə́ ō, dɔ nang lú bátə́ ugə̄ tū tə́ ō ní, jə-gerī alé. Jə-gerī gír̄ kə́ kem mban̄g gə̄ tə́ aĺ ō.

IJAI 55:9

Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

PĀ GƏ̄ 89:2

M-ā m-ə̄nī pā yá̰a̰ gə̄ ń Kɔ́ɔ̄ɓē rāā kə gō kem majə yān ní ngándáńg. M-ā m-ə̄nī mbēr̄ dɔ yá̰á̰ kə́ rɔ̄kum yān tə́, kadə̄ ngáńjí gə̄ ō ngán kaají gə̄ ō gerə̄n̄.

Makətūbə̄ yā Job 22:12

Nə́ɓā ndi i dɔɔ́ dɔ rā̰ tə́ aĺ a? Á̰a̰ no rā̰ ń tə́yō̰ gə̄ ndangən̄ ngururu tū tə́ ní, i dɔɔ́ sa̰y ngá̰ý rɔ̄kum.

PĀ GƏ̄ 31:20

Banī Kɔ́ɔ̄ɓē, kem majə ń ī-ngɔ̄m̄ tām̄ yā ngé ɓōĺ ndílí gə̄ tə́ ní, i kem majə kə́ to ɓōĺ ngá̰ý! Ngé gə̄ malang ń ḭ̄ i loo ɓɔ̄ɔ̄ rɔ̄ yādə́ ní, ɔ́jə kem majə ní kə̄ ndágá tām̄ yādə́ tə́ i ta kum de gə̄ tə́ malang.

PĀ GƏ̄ 117:2

Tɔdɔ̄ ni-rāā kem majə sejí ngá̰ý ō, Kɔ́ɔ̄ɓē ra dɔ ndūn tə́ ngándáńg ō. Aleluya!