PĀ GƏ̄ 103:1 - Bibəl ta Sar̄

¹ Pā yā Dabid. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.

Bible sar

¹ Pā yā Dabid. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. m̄-ndigə ɓōkə́ Nə́ɓā kə́ *táĺ tɔ̄ȳ kə ngarā̰ kemḿ malang.

PĀ GƏ̄ 103:1 Referans Kwoze

JA̰A̰ 4:24

Nə́ɓā i Ndíl, adə̄ majə kadə̄ ngé rɔȳn gə̄ rɔȳnən̄ kə ta kūl̄ Ndíl ō, kə́ rɔ̄kum tə́ ō.

1 KORḚNTƏ 14:15

I beé ní m-ā m̄-rāā i ba̰ý tā? M-ā m̄-ndɔ̄ȳ Nə́ɓā kə ndílə́ḿ ō, m-ā m̄-ndɔ̄ȳ Nə́ɓā kə kur̄ dɔḿ ō. M-ā m-ə̄nā pā kə ndílə́ḿ ō, m-ā m-ə̄nā pā kə kur̄ dɔḿ ō.

PĀ GƏ̄ 111:1

Aleluya! m̄-ndígə̄ ɓōkə́ Kɔ́ɔ̄ɓē tɔ̄ȳ kə ngarā̰ kemḿ malang dan de kə́ súmūú gə̄ ń kánə̄n̄ naā tə́ ní.

PĀ GƏ̄ 103:22

Sḭḭ̄ malang ń Kɔ́ɔ̄ɓē rāāsí ní, ká ī-ndiī kem ɓē ko̰o̰ yān tə́ i loo kə́ rá tə́ gə̄gē anī, ī-ɓōkə́niī tɔ̄ȳ. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ.

PĀ GƏ̄ 99:3

Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.

PĀ GƏ̄ 47:7

Ɔ́siī gɔn Nə́ɓā kə pāá, ɔ́siī gɔnən, ɔ́siī gɔn mban̄g yājí kə pāá, ɔ́siī gɔnən!

PILIPƏ 1:9

Ba yá̰á̰ ń m̄-gəde Nə́ɓā kem ndɔ̄ȳ yāḿ tə́ tām̄ yāsí tə́ ní, i kadə̄ tár yāsí i ngá̰ý kum kə̄ kété kété ō, kadə̄ yá̰a̰ ger̄ kə́ rɔ̄kum ō, ger̄ najə̄ ngá̰ý ō, i tū tár yāsí ní tə́,

PĀ GƏ̄ 138:1

Pā yā Dabid. Kɔ́ɔ̄ɓē, m̄-ndigə tɔ̄yī kə ngarā̰ kemḿ malang. M-ə̄nā pā, m-ɔ́səń gɔnií ta kum de kə́ bo kə́ dɔ rā̰ tə́ gə̄ tə́.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

JEJU TEĒ KUM JA̰A̰ 4:8

Yá̰á̰ kə́ kə kumuú kə́ sɔ́ gə̄ ní, bɔ̄gə̄də́ gə̄ i mehḛ́ mehḛ́ kə dɔdə́ gēé. Kumdə́ i ngá̰ý gidə bɔ̄gə̄də́ gə̄ ní tə́ ō, kemeé ō. Kadaá gē ndɔ̄ɔ́ gē ní, nin̄-ədan̄ kanjə̄ taā koō na: Kɔ́ɔ̄ɓē Nə́ɓā ń i de kə́ bo kə́ tɔ́gən i ngá̰ý ní, ni i kə́ táĺ táĺ táĺ. Ni i Nge ń ndi kété ō, ndi ngɔlaā ō, a reē ō ní.

PĀ GƏ̄ 104:1

Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

PĀ GƏ̄ 145:1

Pā tɔ̄ȳ. I pā yā Dabid. Nə́ɓā yāḿ, mban̄g yāḿ, m-ā m-ɔ́sə gɔnií ō, m-ā m̄-tɔ̄ȳ rīí ō ngándáńg.