PĀ GƏ̄ 102:3 - Bibəl ta Sar̄

³ Ī-lōō tūr̄ gidií kɔ̄ɔ́ taḿ tə́, ndɔ̄ ń wur kɔl əsōń dɔḿ tə́ ní. Ī-nēl̄ mbīí kə̄ rɔ̄ḿ tə́. Ī-ndigəm̄ láẃ ndɔ̄ ń m-ā m-ɓārīneé kadə̄ ī-rāā seḿ tə́ ní.

Bible sar

³ Ī-lōō tūr̄ gidií kɔ̄ɔ́ taḿ tə́, ndɔ̄ ń wur kɔl əsōń dɔḿ tə́ ní. Ī-nēl̄ mbīí kə̄ rɔ̄ḿ tə́. Ī-ndigəm̄ láẃ ndɔ̄ ń m-ā m-ɓārīneé kadə̄ ī-rāā seḿ tə́ ní.

PĀ GƏ̄ 102:3 Referans Kwoze

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

NŌŌ RƆ̄ 1:13

Ni-ndi i dɔɔ́ nú ba əla hor adə̄ udə kem kə̄ngāḿ tə́. Ni i kɔ́ɔ̄ yá̰a̰. Ni-ənī réng róbə́ḿ tə́, rāām̄ adə̄ m-ə̄sō kə gōḿ. Rāām̄ adə̄ m̄-tél dəyá̰ kə́ deē teē tan tə́ alé, rɔ̄ḿ tōrə̄m̄ kə dɔ ndɔ̄ gə̄ ō.

PĀ GƏ̄ 37:20

Ngé kem ndul gə̄ a oyn̄. Madə̄ ba̰ā̰ Kɔ́ɔ̄ɓē gə̄ a oyn̄ kɔ̄ɔ́ tītə̄ hútə̄ mu kə́ bembeé beē. Nin̄ a aw̄n̄ kɔ̄ɔ́, a aw̄n̄ tītə̄ sa hor beé.

Makətūbə̄ yā Job 30:30

Ndārə́ḿ téĺ kə́ ndul ō ɔr̄ ō. Mo̰y gajə əla hor dɔḿ tə́ adə̄ kə̄ngāḿ o̰o̰ hor bir bir.

PĀ GƏ̄ 31:10

Kɔ́ɔ̄ɓē á̰a̰ kum tō ndoō yāḿ, tɔdɔ̄ mā i dan wur kɔl tə́. Gír̄ najə̄ nujə kumḿ ō míndə́ḿ ō kemḿ ō.

NŌŌ RƆ̄ 3:4

Nujə kə dā̰ḿ ō, kə ndārə́ḿ ō, tétə̄ kə̄ngāḿ gə̄ ō.

PĀ GƏ̄ 119:83

m̄-tél m̄-jōjə̄rō tītə̄ sɔl kə́ kəla dɔ sa hor tə́ beē, banī yá̰a̰ gə̄ ń ī-ndang kadə̄ yā rāā ní dɔḿ ndígə̄nal alé.

PĀ GƏ̄ 38:3

Kum gərā yāí gə̄ ń ī-túrə̄m̄neé ní túdə̄n̄ rɔ̄ḿ tə́. Ndéy jīí ń ə́ndam̄neé ní ɔdəm̄.

PĀ GƏ̄ 27:9

Nə́ɓā kə́ nge kajəḿ, ī-lōō tūr̄ gidií taḿ tə́! Ī-lōō kɔrə̄m̄ mā nge kəla yāí kə̄ gogə́ kə wōngōó! ḭ̄ ń ī-dḭḭ̄m̄ ní, ī-mbātə́m̄ alé, ə́ya̰m̄ kɔ̄ɔ́ alé!

PĀ GƏ̄ 31:3

Ī-nēl̄ mbīí kə̄ kōōḿ tə́, ī-reē láẃ ī-gān̄g dɔḿ. Ādə̄ ḭ̄ i mbal̄ yāḿ kə́ ngan̄g ngá̰ý ō, loo ndiḿ kə́ ngan̄g ń a ajəm̄ ní ō.