PĀ GƏ̄ 102:26 - Bibəl ta Sar̄

²⁶ Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

Bible sar

²⁶ Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

PĀ GƏ̄ 102:26 Referans Kwoze

IJAI 51:6

Ə̄nī kumsí kə̄ dɔɔ́ á̰a̰īń loo kum kə̄ dɔ rā̰ tə́, ba ī-téĺ á̰a̰ī loo kum kə̄ nang tə́. Dɔ rā̰ a gətóo kɔ̄ɔ́ tītə̄ sa hor beé ō, dɔ nang a əsō ngisə tītə̄ kūbə̄ beé ō, de kə́ tū tə́ gə̄ a oyn̄ tītə̄ kón̄g gə̄ beé ō. Banī teē ɓəloó a to i kə́ njɔ́ḿ gə̄ tə́, kajə ń m̄-reēń ní ta tɔ̄l̄ tan a gətóo.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

JEJU TEĒ KUM JA̰A̰ 21:1

Gō tə́ anī m-á̰a̰ dɔ rā̰ kə́ kijə ō, dɔ nang kə́ kijə ō. Tɔdɔ̄ dɔ rā̰ kə́ kété ō, dɔ nang kə́ kété ō ní, gətóon̄ kɔ̄ɔ́ ō, bā bo gətóo kɔ̄ɔ́ ō.

Makətūbə̄ ń Pol ndang adə̄ Rom gə̄ ní 8:20

Tɔdɔ̄ əlan̄ dɔ yá̰a̰ gə̄ ń Nə́ɓā əndā ní gíŕ tɔ́gə yā yá̰á̰ kə́ rim karī gə̄ tə́. I kə gō kem ndigə yādə́ alé, banī i kə gō kem ndigə yā nge ń əla dɔdə́ gíŕ tɔ́gə yā yá̰á̰ kə́ rim gə̄ tə́ ní. Ɓá tā ba yá̰á̰ kógə̄ḿ kə́ kadə̄ deē əndā kemən dɔ tə́ to noó:

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

PĀ GƏ̄ 102:12

Ndɔ̄ḿ gə̄ mānə̄n̄ ngá̰ý tītə̄ ndíĺ kə́ loo sɔlí beē, m̄-tutə tītə̄ mu beé ō.

IJAI 65:17

Tām̄ m-ā m̄-rāā dɔ rā̰ kə́ kijə ō, dɔ nang kə́ kijə ō. A əga kem deē dɔ yá̰á̰ kə́ mān̄ kɔ̄ɔ́ tə́ to̰ alé, deē a gír̄ dɔ tə́ to̰ alé.

Teē Ngán Israel gə̄ 3:14

Nə́ɓā əda Moijə na: Mā i mā ń m̄-ndi noó ní. Najə̄ ń kadə̄ ə́dá ngán Israel gə̄ ní n toó: m̄-ndi noó əlam̄ rɔ̄sí tə́.

2 MBAN̄G 19:15

ba ndɔ̄ȳ əda na: Kɔ́ɔ̄ɓē Nə́ɓā yā Israel, ḭ̄ ń ī-ndi dɔɔ́ dɔ ngé ngɔ̄m̄ loo kə́ dɔ rā̰ tə́ gə̄ tə́ ní, i ḭ̄ kógə̄ḿ beē ngóy n i Nə́ɓā kə́ tām̄ yā ɓē ko̰o̰ gə̄ malang kə́ dɔ nang tə́ tə́, tām̄ i ḭ̄ n ī-rāā dɔ rā̰ ō, dɔ nang ō ní.

Makətūbə̄ yā Job 38:4

Dan ń m-ā m̄-rāań dɔ nang ní, ḭ̄ i loo kə́ rá tə́? Tītə̄ ń ī-ger̄ yá̰á̰ ngá̰ý ní, ə́dam̄!