PĀ GƏ̄ 102:19 - Bibəl ta Sar̄

¹⁹ Ādə̄ ndangən̄ yá̰á̰ ń noō tām̄ yā ngáńdə́ gə̄ tə́. Loo ń noō tə́ gír deē kógə̄ḿ kə́ tél kəndā kijə gə̄ a ɓōkə́n̄ Kɔ́ɔ̄ɓē tɔ̄ȳ.

Bible sar

¹⁹ Ādə̄ ndangən̄ yá̰á̰ ń noō tām̄ yā ngáńdə́ gə̄ tə́. Loo ń noō tə́ gír deē kógə̄ḿ kə́ tél kəndā kijə gə̄ a ɓōkə́n̄ Kɔ́ɔ̄ɓē tɔ̄ȳ.

PĀ GƏ̄ 102:19 Referans Kwoze

NDŪ NAJƏ̄ 26:15

Beé ní, ḭ̄ ń ī-ndi dɔ rā̰ tə́ kem loo kə́ táĺ yāí tə́ ní, á̰a̰ā̰ ba ī-rāā majə kə ngán Israel gə̄ ń nin̄ i gír deē yāí gə̄ ní ō, ī-rāā majə kə dɔ nang ń mba ō, yibə̄ tejə ō, i ngá̰ý tū tə́ á ə̄nī ndūí ādə̄ kaají gə̄ yā kadə̄jí ní ō.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

Makətūbə̄ yā Job 22:12

Nə́ɓā ndi i dɔɔ́ dɔ rā̰ tə́ aĺ a? Á̰a̰ no rā̰ ń tə́yō̰ gə̄ ndangən̄ ngururu tū tə́ ní, i dɔɔ́ sa̰y ngá̰ý rɔ̄kum.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

1 MBAN̄G GƏ̄ 8:43

ḭ̄ Kɔ́ɔ̄ɓē ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰a̰ malang ń dəjeī ní ādə̄ gír de kə́ dɔ nang tə́ gə̄ malang ger̄ə̄n̄neé rīí ba ɓōlíīn̄neé tītə̄ ń Israel deē yāí gə̄ a ɓōlíīn̄neé ní ō, kadə̄ gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

1 MBAN̄G GƏ̄ 8:39

ḭ̄ ń ī-ndi dɔ rā̰ tə́ ní ī-nēl̄ mbīí ōońdə́, ī-mā̰ȳ rɔ̄í dɔdə́ tə́, ī-rāā yá̰a̰ kə deē kógə̄ḿ kógə̄ḿ sɔɔ̄ń dɔ kəla rāān, tām̄ ḭ̄ ī-ger̄ kem de gə̄ i īkɔ́ ngóy n ī-ger̄ kem de gə̄ malang ní.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.