PĀ GƏ̄ 102:16 - Bibəl ta Sar̄

^16-18 Dan ń Kɔ́ɔ̄ɓē a tél yā rāā ɓē kə́ Siyo̰ gogə́ rang ō, a teē hɔy kadə̄ de gə̄ a̰a̰nən̄ loo ndə́lē tə́ ō, a oō ndɔ̄ȳ yā ngé rɔ̄ tō ndoō gə̄ ō, a asən kídə̄də́ ō ní anī, nápar de gə̄ a ɓōlə́n̄ rī Kɔ́ɔ̄ɓē ō, mban̄g kə́ dɔ nang tə́ gə̄ malang a a̰a̰n̄ kɔsə gɔn yān yā ger̄ ō.

Bible sar

^16-18 Dan ń Kɔ́ɔ̄ɓē a tél yā rāā ɓē kə́ *Siyo̰ gogə́ rang ō, a teē hɔy kadə̄ de gə̄ a̰a̰nən̄ loo ndə́lē tə́ ō, a oō ndɔ̄ȳ yā ngé rɔ̄ tō ndoō gə̄ ō, a asən kídə̄də́ ō ní anī, nápar de gə̄ a ɓōlə́n̄ rī Kɔ́ɔ̄ɓē ō, mban̄g kə́ dɔ nang tə́ gə̄ malang a a̰a̰n̄ *kɔsə gɔn yān yā ger̄ ō.

PĀ GƏ̄ 102:16 Referans Kwoze

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

PĀ GƏ̄ 147:2

Kɔ́ɔ̄ɓē rāā ɓē kə́ Jerusalem gogə́ rang. Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.

MISE 2:9

Sḭḭ̄ ī-tə̄ɓāī dəyá̰ gə̄ kə́ dan gír deē yāḿ gə̄ tə́ kɔ̄ɔ́ kem kújə gə̄ ń nel̄də́ tə́ ní. Kii ń m-íí ngáńdə́ gə̄ ní, sḭḭ̄ ī-taāī jīdə́ tə́ kɔ̄ɔ́, kə́ njɔ́ḿ gə̄ tə́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

IJAI 14:26

Yá̰á̰ ń Kɔ́ɔ̄ɓē gḛy rāā kə de gə̄ malang kə́ dɔ nang tə́ ní n noó, yá̰á̰ ń ni əlań ɓōĺ kem nápar de gə̄ malang tə́ ní noó.

PĀ GƏ̄ 97:6

Dɔ rā̰ ənī mbēr̄ dɔ háĺ kə́ gōtə́ yān tə́ ō, gír de gə̄ malang a̰a̰n̄ kɔsə gɔn yān ō.

PĀ GƏ̄ 69:35

Dɔ rā̰ ō dɔ nang ō bā bo gə̄ kə yá̰a̰ malang kə́ kum tə́ gə̄ ō, ī-ɓōkə́nī tɔ̄ȳ!

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.