PĀ GƏ̄ 102:14 - Bibəl ta Sar̄

¹⁴ Ā ḭ́ḭ dɔɔ́ tām̄ yā Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

Bible sar

¹⁴ Ā ḭ́ḭ dɔɔ́ tām̄ yā *Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

PĀ GƏ̄ 102:14 Referans Kwoze

NEHEMI 4:2

Nin̄ oōn̄ naā yā reē malang gidə kógə̄ḿ yā kənī ɓē kə́ Jerusalem rɔ̄ɔ̄ ō, yā nujə loo kemeé ō.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

NEHEMI 4:10

Banī əla gír ndɔ̄ ń noō tə́ ní i núsə de gə̄ ngóy n a rāān̄ kəla. Gotə gə̄ ran̄ i kə yá̰a̰ rɔ̄ɔ̄ gēé. Ran̄ i kə nənga gə̄, kə der gə̄, kə ga̰ gərā gə̄, kə kūbə̄ gində̄ gə̄. Ngār gə̄ əndān̄ kumdə́ gír Juda gə̄ tə́ malang.

NEHEMI 4:6

Jipə gə̄ ń ndin̄ ɓē kadə madə̄ ba̰ā̰jí gə̄ tə́ ngɔr ní reē tāān̄jí kə̄ nja naā tə́ najə̄ yá̰á̰ kə́ to yo ń a ngḛy jí nang tə́ ní, ədan̄ na: Loo malang ń sḭḭ̄ āwī tū tə́ ba ī-tél ī-reēī ní, nin̄ teēn̄ kə̄ ta gə̄ tə́ yā reē rɔ̄ jí! Loo ń noō tə́ m-á̰a̰ ku loo gə̄ gidə ndogə̄ mbal̄ tə́ ndágá.

NEHEMI 2:17

Tā anī m-ə́dádə́ na: Á̰a̰ī yá̰á̰ kə́ to kum kaȳ aĺ ń jə-ndiīneé toō: Jerusalem i kə́ nujə sák sák kɔ̄ɔ́, bápə́ kə́ ta tə́ gə̄ i kə́ hor o̰o̰ kɔ̄ɔ́! J-aw̄ jə-rāāī ndogə̄ mbal̄ kə́ Jerusalem jə-tɔ̄līneé ta rɔ̄sɔl̄ ń toō kɔ̄ɔ́.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

NEHEMI 1:3

Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā Juda tə́ gə̄ ō, Benjamḛ tə́ gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

RUTƏ 1:6

Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

PĀ GƏ̄ 119:126

Kum mbang kə́ kadə̄ Kɔ́ɔ̄ɓē rāań yá̰a̰ asə: Tɔdɔ̄ de gə̄ mānə̄n̄ dɔ ndū najə̄ yāí.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.