PĀ GƏ̄ 102:13 - Bibəl ta Sar̄

¹³ Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

Bible sar

¹³ Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

PĀ GƏ̄ 102:13 Referans Kwoze

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

IJAI 60:1

Jerusalem, ḭ́ḭ dɔɔ́! Ādə̄ hor gə̄ rāān̄ adə̄ loo unjə̄ kow dɔí tə́, tɔdɔ̄ loo kə́ unjə̄ kow ḭḭ nang tə́ kum kə̄ dɔɔ́ tām̄ yāí tə́: Kɔsə gɔn yā Kɔ́ɔ̄ɓē unjə̄ dɔí tə́ tītə̄ mbang kə́ əɓa beé.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

PĀ GƏ̄ 44:26

Tɔdɔ̄ jə-to i kum bumbə́rú tə́ ō, jə-laa ta kemjí i nang tə́ ō.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

KƏLA RĀĀ 1:7

Jeju tél tūr̄ ədadə́ na: I Bɔbə́ḿ n i nge rāā kadə̄ yá̰a̰ gə̄ rāān̄ yá̰a̰ kə ɓāl̄ yādə́ gēé ō, kə kum mbang yādə́ gēé ō, kə ndū ko̰o̰ ɓē yānneé ō ní. Ger̄ ɓāl̄ gə̄, aké kum mbang gə̄ ń yá̰a̰ gə̄ a rāān̄neé yá̰á̰ ní ndetəsí alé.

2 PIYER 3:12

tá kadə̄ ī-ndi ī-ngóōīneé ndɔ̄ yā Nə́ɓā ō, ə́hɔīneé rɔ̄sí tɔgə ī-rāāīneé kadə̄ ndɔ̄ ní reē láẃ ō. Ndɔ̄ ngeé ń noō tə́ ní a nujən̄ dɔ rā̰ i kə horoó ō, yá̰a̰ gə̄ ń Nə́ɓā tə́ndādə́ dɔɔ́ ní kəngā hor a yḛḛ̄də́ kɔ̄ɔ́ ō.

PĀ GƏ̄ 7:6

anī ādə̄ madə̄ ba̰ā̰ḿ ngɔ̄də̄ əhɔm̄ ō, ənīm̄ nang tə́ kum bumbə́ru tə́ ba tə́ɓām̄ kə njaneé ō, əlań rɔ̄sɔl̄ dɔḿ tə́.

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

PĀ GƏ̄ 75:2

Nə́ɓā, jə-ɓōkíī tɔ̄ȳ. Jə-tɔ̄ȳ rīí, tɔdɔ̄ rīí i tají tə́. J-ənī gotə yá̰á̰ kə́ to kɔr kum gə̄ ń ī-rāā ní.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

PĀ GƏ̄ 92:9

Banī ḭ̄ ń ī-ndi dɔɔ́ noō ní, ḭ̄ i Kɔ́ɔ̄ɓē ngándáńg.

PĀ GƏ̄ 135:13

Kɔ́ɔ̄ɓē, rīí a ɓār̄ kə dɔ ndɔ̄ gə̄! Kɔ́ɔ̄ɓē, a ənīn̄ gotə najə yāí kə dɔ ɓāl̄ gə̄.