PĀ GƏ̄ 102:1 - Bibəl ta Sar̄

¹ Ndɔ̄ȳ yā de kə́ nge rɔ̄ tō ndoō kə́ tɔ́gən təgā kɔ̄ɔ́, kə́ a ɔjə Kɔ́ɔ̄ɓē yá̰á̰ kə́ tōr̄ rɔ̄n gə̄.

Bible sar

¹ Ndɔ̄ȳ yā de kə́ nge rɔ̄ tō ndoō kə́ tɔ́gən təgā kɔ̄ɔ́, kə́ a ɔjə Kɔ́ɔ̄ɓē yá̰á̰ kə́ tōr̄ rɔ̄n gə̄.

PĀ GƏ̄ 102:1 Referans Kwoze

PĀ GƏ̄ 18:6

Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

PĀ GƏ̄ 61:2

Ɓɔ́ Nə́ɓā, ōō nōō yāḿ, ī-nēl̄ mbīí ōoń ndɔ̄ȳ yāḿ.

PĀ GƏ̄ 39:12

Ḭ̄ ɔ́jə deē yá̰a̰ kə ndéy jīí tām̄ yá̰a̰ rāān kə́ gōtə́ aĺ tə́. Yá̰á̰ ń kemən gḛy ngá̰ý ní ī-nujəń kɔ̄ɔ́ tītə̄ yā kur̄ beé. Rɔ̄kum deē ndul i nél karī.

Teē Ngán Israel gə̄ 2:23

Dan i ngá̰ý gō tə́ anī, mban̄g kə́ Ejiptə oy. Ngán Israel gə̄ ń a rāān̄ kəla ɓəlo ní nōōn̄ rɔ̄də́ ō, əgan̄ kɔ̄ŕ ō, adə̄ nōō yādə́ aw̄ ugə̄ rɔ̄ Nə́ɓā tə́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

NŌŌ RƆ̄ 3:44

Ūtə̄ rɔ̄í dan kil̄ man̄ tə́ yā kadə̄ ndɔ̄ȳ yājí ɔtə̄ń rɔ̄í tə́ alé.

NŌŌ RƆ̄ 3:8

M-ə́ga kɔŕ ngá̰ý ō, m̄-ɓār̄ ɓār̄ kadə̄ dḭḭ̄mə̄n̄ ō, ba ni ɔgə̄ kadə̄ ndɔ̄ȳ yāḿ teē dɔɔ́.

PĀ GƏ̄ 143:7

Kɔ́ɔ̄ɓē, ī-tūrə̄m̄ najə̄ tə́ láẃ na tɔ́gə́ḿ təgā kɔ̄ɔ́. Ī-lōō tūr̄ gidií taḿ tə́! Na sōgə́ jīḿ ɓoo naā kə ngé gə̄ ń a aw̄n̄ kə̄ ɓádá ní.

PĀ GƏ̄ 143:4

Tɔ́gə́ḿ teē rɔ̄ḿ tə́ kɔ̄ɔ́, kemḿ nelə̄m̄ alé.

PĀ GƏ̄ 5:2

Kɔ́ɔ̄ɓē, ī-nēl̄ mbīí ōoń najə̄ kɔrə̄ḿ, ōō to̰ō̰ ń m-ā m̄-to̰ō̰ ní.

2 YÁ̰A̰ GƏ̄ 30:27

Gō tə́ anī ngán Lebi kə́ ngé tun̄ yá̰a̰ gə̄ ḭḭn̄ dɔɔ́ ba tɔ́rə̄n̄ tadə́ dɔ de gə̄ tə́. Ndɔ̄ȳ yādə́ aw̄ bátə́ teē dɔ rā̰ ń i loo ndi kə́ táĺ yā Nə́ɓā ní tə́ ō, Nə́ɓā rāā yá̰á̰ ń dəjen̄ ní ō.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

PĀ GƏ̄ 145:19

Ni i nge rāā kem ndigə yā ngé ɓōĺ ndílən gə̄. Ni oō nōō yādə́ ō ajədə́ ō.

PĀ GƏ̄ 77:3

Dan ń wur kɔl əsō dɔḿ tə́ ní, m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́. Ndɔ̄ɔ́ anī m̄-ə́la jīḿ kum kə̄ rɔ̄n tə́ kanjə̄ kɔr ta tə́, m̄-mbātə́ kadə̄ deē sɔl̄ kemḿ.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.