PĀ GƏ̄ 101:8 - Bibəl ta Sar̄

⁸ Kə ndɔ̄í kə ndɔ̄ gə̄ malang ní, m-ā m̄-rāā kadə̄ ngé kem ndul kə́ kem ɓēé gə̄ malang ɔrə̄n̄ najə̄ alé, m-ā m-ɔ̄r̄ ngé rāā yá̰a̰ gōtə́ aĺ gə̄ kɔ̄ɔ́ kem ɓē yā Kɔ́ɔ̄ɓē tə́.

Bible sar

⁸ Kə ndɔ̄í kə ndɔ̄ gə̄ malang ní, m-ā m̄-rāā kadə̄ ngé kem ndul kə́ kem ɓēé gə̄ malang ɔrə̄n̄ najə̄ alé, m-ā m-ɔ̄r̄ ngé rāā yá̰a̰ gōtə́ aĺ gə̄ kɔ̄ɔ́ kem ɓē yā Kɔ́ɔ̄ɓē tə́.

PĀ GƏ̄ 101:8 Referans Kwoze

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

Gōsə̄ najə̄ gə̄ 16:12

Rāā yá̰á̰ kə́ majaĺ i yá̰á̰ kə́ to yḛr kum tām̄ yā mban̄g gə̄ tə́, tɔdɔ̄ kōr̄ kāgə̄ mbang a ndi ngan̄g i kə ta kūl̄ háĺ kə́ gōtə́.

Gōsə̄ najə̄ gə̄ 20:8

Dan ń mban̄g ndi dɔ kɔ̄r̄ kāgə̄ mbang tə́ yā gāngəń sarya ní anī, ni-a̰a̰ yá̰a̰ malang kə́ majaĺ kə kumneé ger̄ láẃ ngá̰ý.

PĀ GƏ̄ 48:8

To i tītə̄ néĺ kə́ dūn̄ ɓē tə́, dan ń a tɔ̄ɔ̄ too bo gə̄ kə́ Tarsis ní.

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

Gōsə̄ najə̄ gə̄ 20:26

Mban̄g kə́ nge kum kedə̄ tə̄ndā ngé kem ndul gə̄ tḭ̄ḭ̄də́ kɔ̄ɔ́ ō, adə̄ yá̰a̰ səɓā kōō agə dɔdə́ tə́ ō.

PĀ GƏ̄ 48:2

Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

PĀ GƏ̄ 46:4

Ká̰a̰ bā bo gə̄ ní ɓār̄ bu bu ō, húūlú dɔdə́ ḭḭ puk puk ō, bā bo gə̄ ní ḭḭn̄ ō, mbal̄ bo gə̄ ndāmə̄n̄ ngingin ō.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

PĀ GƏ̄ 92:10

Á̰a̰ madə̄ ba̰ā̰í gə̄, Kɔ́ɔ̄ɓē, á̰a̰ madə̄ ba̰ā̰í gə̄ a oyn̄ kɔ̄ɔ́ ō, ngé rāā yá̰a̰ majaĺ gə̄ malang a tə̄ndān̄ naā yā tḭ̄ḭ̄ ō.