PĀ GƏ̄ 101:5 - Bibəl ta Sar̄

⁵ De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

Bible sar

⁵ De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

PĀ GƏ̄ 101:5 Referans Kwoze

PĀ GƏ̄ 18:27

Deē ń unjə̄ njáý njáý ní ḭ̄ ɔ́jən kadə̄ ḭ̄ ūnjə̄ njáý njáý ō, ba ḭ̄ i nge kəla mbóo dɔ nge gól̄ loo tə́ ō.

PĀ GƏ̄ 15:3

Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

Gōsə̄ najə̄ gə̄ 30:13

De kə́rēý gə̄ ndin̄ noó, kídə̄n̄ loo ngá̰ý ō, rāān̄ de gə̄ malang i yá̰a̰ aĺ tə́ ō!

PĀ GƏ̄ 50:20

Ī-ndi ī-tām̄ kə ngōkó̰ó̰í ō, ī-tə́da najə̄ kə́ majaĺ dɔ kem kó̰o̰ madí tə́ ō.

TITƏ 2:3

Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.

1 KORḚNTƏ 5:11

Najə̄ ń m̄-ndang m-ādə̄sí ní, i kadə̄ ī-lōōī ɓoo naā kə de kə́ ā ī-ɓāŕniī na i ngōkó̰ó̰sí, tá ni i de kə́ nge sāā naā loo kaya tə́, aláa ni i de kə́ nge ndə̄ngā yá̰a̰, aláa i nge rāā ɓesə̄, aláa i nge tetə najə̄, aláa i nge kasə rāā, aláa i nge ɓogə. De kə́ beē ní, yá̰a̰ kəsa gə̄gē ī-lōōī kəsa seneé.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Gōsə̄ najə̄ gə̄ 20:19

Nge teē kə yá̰á̰ kə́ kadə̄ to loo mundə̄ tə́ i de kə́ nge kənī deē kɔ̄ɔ́. I beé ní ə́hɔ madə̄ naā kə de kə́ nge kɔr̄ najə̄ waá alé.

EJEKIEL 22:9

Ɓēé looí de kə́rēý gə̄ a sorə̄n̄ i dɔ madə̄də́ gə̄ tə́ yā tɔ̄ləńdə́. De gə̄ ń ndin̄ kemií tə́ ní, nin̄ i ngé kəsa yá̰á̰ kə́ tun̄ gə̄ dɔ mbal̄ gə̄ tə́ ō, nin̄ i de kə́ kaya gə̄ ō.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

Gōsə̄ najə̄ gə̄ 25:23

Néĺ kə́ dām̄ mbɔ́r ɓē kə́ ko̰ó̰ tə́ a reē i kə maná ō, wōn̄g kə́ ngá̰ý kə́ rāā deē adə̄ dɔ kumən síndə̄rī kɔ̄ɔ́ a reē i kə najə̄ yā góləń loo ō.

Gōsə̄ najə̄ gə̄ 10:18

De kə́ nge ɓɔ̄ɔ̄ dɔ kim̄ kə́ kemən tə́ i de kə́ nge kɔr̄ najə̄ góləń loo, banī de kə́ nge heĺ najə̄ kə́ tétə̄ kə̄ loo gə̄ tə́ i de kə́ mbóo.

PĀ GƏ̄ 138:6

Kɔ́ɔ̄ɓē ndi i dɔɔ́ sa̰y ɓá tā ba a̰a̰ deē ń tél kə rɔ̄neé kə̄ nang tə́ ngá̰ý ní ō, a̰a̰ nge kɔjə rɔ̄ sa̰y gerə̄n ō.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

Teē Ngán Israel gə̄ 23:1

Ā ə̄nī gotə najə̄ kə́ rɔ̄kum aĺ kə̄ loo gə̄ tə́ aĺ ō, ā ə́da najə̄ kə́ rɔ̄kum aĺ loo sarya tə́ yā kənīń najə̄ gír nge rāā majaĺ tə́ aĺ ō.

Teē Ngán Israel gə̄ 20:16

Ā ī-sor̄ dɔ madí tə́ alé.

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!