PĀ GƏ̄ 101:2 - Bibəl ta Sar̄

² m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

Bible sar

² m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

PĀ GƏ̄ 101:2 Referans Kwoze

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

1 MBAN̄G GƏ̄ 9:4

Ré Salomo̰ na njə̄rā kə̄ non tə́ tītə̄ ń bɔbə̄n Dabid na njə̄rań kété ní kə kem kə́ rɔ̄kum ō, kə háĺ kə́ súmūú ō, ré na rāā yá̰a̰ malang ń n-ədan kadə̄ rāā ní ō, rāā yá̰á̰ ń ndū najə̄ yān əda ní ō, rāā yá̰a̰ kə gō jī loo rāā yá̰á̰ ń ni n-ɔjə ní ō anī,

PĀ GƏ̄ 119:115

Ngé kem ndul gə̄, ɔ̄rī rɔ̄sí rɔ̄ḿ tə́ kɔ̄ɔ́, anī m-ā m̄-rāā gō míndə gə̄ yā Nə́ɓā yāḿ.

PĀ GƏ̄ 101:6

M-ā m-á̰á̰ ngé ra dɔ ndūdə́ tə́ gə̄ kə́ kem ɓēé yā ger̄də́, yā kadə̄ nin̄ ndin̄ kadəḿ tə́. De kə́ nge rāā yá̰á̰ kə́ gōtə́ a rāā kəla yāḿ.

PĀ GƏ̄ 40:17

Banī ngé sāāí gə̄ malang ní, ādə̄ rɔ̄nel̄ asədə́ nák najə̄ yāí tə́ ō, ngé gə̄ ń tárnī ḭ̄ nge kajə de gə̄ ní, ādə̄ ədan̄ ngándáńg na Kɔ́ɔ̄ɓē i de kə́ bo ō.

1 MBAN̄G GƏ̄ 11:4

Dan ń Salomo̰ tɔgə ɓə́gá ní, nə̄yá̰n gə̄ ní rāānən̄ adə̄ ndɔ̄ȳ nə́ɓā kə́ rang gə̄, ba lōō gíŕ táŕ Kɔ́ɔ̄ɓē Nə́ɓā yān tə́ kə ngarā̰ kemən gēé mámák tītə̄ yā bɔbə̄n Dabid.

NDŪ NAJƏ̄ 6:7

Ā ɔ́jə́ ngání gə̄ kə̄ nja naā tə́ dan ń ā ī-ndi ta kújí tə́, aké ā ī-njə̄rā dɔ róbə́ tə́, aké ā ī-to nang tə́, aké ā ī-ra kə njaí dɔɔ́ ní.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

2 YÁ̰A̰ GƏ̄ 15:17

Banī ni-rāā adə̄ loo ndɔ̄ȳ gə̄ gətóon̄ kɔ̄ɔ́ dɔ nang kə́ Israel tə́ alé. Ɓá tā ba Asa táŕ Kɔ́ɔ̄ɓē kə ngarā̰ kemənneé mámák kə dɔ ndɔ̄ gə̄ malang ń ni ndiń kə kumneé ní.

1 SAMUEL 22:14

Ahimelek tél əda mban̄g na: Kɔ́ɔ̄ ɓē gə̄ dan ngé kəla yāí gə̄ tə́ malang ní, de kə́ sew tītə̄ Dabid i noó a? Ni i umií ō, pajā yāí kə́ nge ngɔ̄mī ō i ni n de gə̄ rɔȳnən̄ ɓēé looí ní ō.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

IJAI 38:3

Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

PĀ GƏ̄ 26:11

m̄-rāā yá̰a̰ malang kə gōó majə. Ní ɓɔ́, ī-gān̄g dɔḿ!