PĀ GƏ̄ 100:3 - Bibəl ta Sar̄

³ Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

Bible sar

³ Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

PĀ GƏ̄ 100:3 Referans Kwoze

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

PĀ GƏ̄ 119:73

Ī-rāām̄ kə jīí ō, ə́hɔm̄ dɔɔ́ kə jīí ō ní, ādə̄m̄ kur̄ dɔ kə́ kun yá̰a̰ ādə̄ m̄-ndóōń gō míndí gə̄.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 PIYER 4:19

I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

PĀ GƏ̄ 79:13

Loo ń noō tə́ jḭḭ ń i gír deē yāí gə̄ á i yá̰a̰ kul̄ gə̄ kə́ i ḭ̄ n i nge kaw̄ sedə́ dɔ mu tə́ ní, j-a j-asə kɔsə gɔnií ngándáńg ō, ɓōkíī tɔ̄ȳ kə dɔ ɓāl̄ gə̄ ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

PĀ GƏ̄ 78:52

Ni-adə̄ gír deē yān gə̄ teēn̄ tītə̄ yá̰a̰ kul̄ gə̄ kə́ teēn̄ kem gɔngɔɔ́ beē, aw̄ sedə́ kem dəla loo tə́ tītə̄ batə̄ gə̄ beé.

EJEKIEL 34:11

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, mə̄kɔ́ m-āw̄ yā sāā batə̄ yāḿ gə̄ ō, m-ā m-á̰a̰ gōdə́ ō.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

2 MBAN̄G 19:19

Banī ḭ̄ Kɔ́ɔ̄ɓē Nə́ɓā yājí, ī-taājí jī Senakerib tə́ ə́yá̰jí dɔɔ́. Loo ń noō tə́, Kɔ́ɔ̄ɓē, de kə́ kem ɓē ko̰o̰ gə̄ kə́ dɔ nang tə́ gə̄ malang a gerə̄n̄ kadə̄ i ḭ̄ ngóy n i Nə́ɓā ní.

NDŪ NAJƏ̄ 7:9

I Kɔ́ɔ̄ɓē Nə́ɓā yāsí ngóy n i Nə́ɓā kə́ rɔ̄kum ní majə kadə̄ ī-gerī. Ngé gə̄ ń tárnən̄ ō, ngɔ̄mə̄n̄ gō míndən gə̄ ō ní, madə̄ naā yān ń rāā sedə́ ō, rāā kə gír kojə yādə́ gə̄ ń a reēn̄ ɓáý ní ō ní a əhɔ gír kadə̄ ngan̄g ō, a tūr̄ ndūn aĺ ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.

PĀ GƏ̄ 12:4

Ādə̄ Kɔ́ɔ̄ɓē rāā adə̄ ngé ta nel̄ gə̄ ba kemdə́ i yá̰á̰ kə́ rang gə̄ ō, ngé gán̄g rɔ̄də́ gə̄ ō ń noō gətóon̄ kɔ̄ɔ́.

Makətūbə̄ yā Job 10:3

Yá̰á̰ kə́ tōr̄ ń ī-rāām̄ ní nelī a? Yá̰á̰ ń īkɔ́ ī-rāā kə jīí á tōr̄ rɔ̄í ní nelī kídə̄n a? Rāā ń ī-rāā majə kə ngé kem ndul gēé adə̄ nin̄ rāānəń yá̰a̰ gə̄ ń nin̄ númə̄n̄ ní nelī ngá̰ý a?

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

1 YÁ̰A̰ GƏ̄ 16:14

I ni n i Kɔ́ɔ̄ɓē Nə́ɓā yājí kə́ nge ko̰o̰ ɓē dɔ dɔ nang tə́ malang ní.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.