PĀ GƏ̄ 100:2 - Bibəl ta Sar̄

² Ī-rāāī kəla yā Kɔ́ɔ̄ɓē kə rɔ̄nelēé, údiī kem kújə yān tə́ ba āw̄ ī-raī ta kumən tə́ kə rɔ̄nel̄ kə́ ngá̰ý.

Bible sar

² Ī-rāāī kəla yā Kɔ́ɔ̄ɓē kə rɔ̄nelēé, údiī kem kújə yān tə́ ba āw̄ ī-raī ta kumən tə́ kə rɔ̄nel̄ kə́ ngá̰ý.

PĀ GƏ̄ 100:2 Referans Kwoze

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

PĀ GƏ̄ 71:23

M-ā m-úgə kənde yā kɔsəń gɔnií, taḿ a ənī pā kə rɔ̄nelēé, tɔdɔ̄ ī-gān̄g dɔḿ.

PĀ GƏ̄ 95:2

J-aw̄ jə-raī ta kumən tə́, jə-ndadə̄ j-adə̄niī. Jə-tɔ̄ȳniī kə pā kə́ to rɔȳ gēé.

NDŪ NAJƏ̄ 28:47

Ré ə́ngé yá̰á̰ ngá̰ý ba ɔ́də rāā kəla yā Kɔ́ɔ̄ɓē Nə́ɓā yāí kə rɔ̄nelēé aĺ ō, kə kemií kə́ nelī ngá̰ý aĺ ō anī,

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

NDŪ NAJƏ̄ 16:14

Ā ī-rāā rɔ̄nel̄ nāā ní i kum naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí ní.

1 MBAN̄G GƏ̄ 8:66

Kə̄ ndɔ̄ kə́ nge ko̰ sɔ́sɔ́ anī Salomo̰ əya̰ de gə̄ adə̄ aw̄n̄. De gə̄ ní rāān̄ mban̄g lápə́ya ba télən̄ kə̄ ɓē yādə́ gə̄ tə́ kə rɔ̄nelēé. Kemdə́ nel̄də́ ngá̰ý najə̄ yá̰á̰ kə́ majə gə̄ ń Kɔ́ɔ̄ɓē rāā kə nge kəla yān Dabid ō, kə Israel gə̄ ń i gír deē yān gə̄ ō, ní tə́.

2 YÁ̰A̰ GƏ̄ 31:2

Ejekias tə́nda ɓūtə̄ ngé tun̄ yá̰a̰ gə̄ ō, ngán Lebi gə̄ ō. Ni-adə̄də́ kəla kógə̄ḿ kógə̄ḿ kə dɔdə́ gēé kem ɓūtə̄ yādə́ gə̄ tə́. Adə̄ i kəla yá̰á̰ kə́ yā tun̄ kə taá gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, kəla ndadə̄ ō, tɔ̄ȳ Kɔ́ɔ̄ɓē ō, kadə̄ rāān̄ kem loo kə́ táĺ yā Kɔ́ɔ̄ɓē ń ənīn̄ ndogə̄ dɔ tə́ ní tə́.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.