PĀ GƏ̄ 10:9 - Bibəl ta Sar̄

⁹ Ra loo ɓɔ̄ɔ̄ rɔ̄ tə́ a umə̄ń loo. Ɓɔ̄ɔ̄ rɔ̄n majə tītə̄ ɓɔl kə́ to kem ku tə́ beē. Um̄ nge rɔ̄ tō ndoō yā kəhɔn. Gētən aw̄ seneé kem réng yān tə́ pá tá əhɔn ɓáý.

Bible sar

⁹ Ra loo ɓɔ̄ɔ̄ rɔ̄ tə́ a umə̄ń loo. Ɓɔ̄ɔ̄ rɔ̄n majə tītə̄ ɓɔl kə́ to kem ku tə́ beē. Um̄ nge rɔ̄ tō ndoō yā kəhɔn. Gētən aw̄ seneé kem réng yān tə́ pá tá əhɔn ɓáý.

PĀ GƏ̄ 10:9 Referans Kwoze

PĀ GƏ̄ 17:12

Nin̄ ton̄ tītə̄ ɓɔl kə́ ngóō ta dā̰ sḛḛ yā rə́yā̰n naā tə́ beē, ton̄ tītə̄ balsáa ɓɔl kə́ ɓɔ̄ɔ̄ rɔ̄n kem túpə́ kámbə́ tə́ beē.

PĀ GƏ̄ 59:3

Ī-gān̄g dɔḿ jī ngé rāā yá̰a̰ gōtə́ aĺ gə̄ tə́ ō, ájəm̄ jī ngé ɓōkə́ mósə de gə̄ nang tə́ gə̄ tə́ ō.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

PĀ GƏ̄ 35:10

Najə̄ ń a ḭḭ ngarā̰ kemḿ tə́ yā teē taḿ tə́ ní n toó: Kɔ́ɔ̄ɓē, de kə́ to tītīí i náā? Ḭ̄ ī-gān̄g dɔ de kə́ tɔ́gən gətóo jī de kə́ ngan̄g tɔȳn tə́, ī-gān̄g dɔ de kə́ əlan̄ rɔ̄sɔl̄ dɔn tə́ ō nge ndoō ō jī nge kəsa tətōdə́ tə́.

JA̰A̰ 10:12

Ba nge kəla ń a ngɔ̄m̄ batə̄ gə̄ i gír naraá ní, i nge kul̄ kə́ rɔ̄kum aĺ ō, ni i kɔ́ɔ̄ batə̄ gə̄ aĺ ō. Ni-a̰a̰ soó loo reē tə́ anī, əya̰ batə̄ gə̄ kɔ̄ɔ́ ba a̰ȳ. Adə̄ soó əhɔdə́ ō, tə̄ndā tḭ̄ḭ̄də́ kɔ̄ɔ́ ō.

JAKARI 11:3

Ōōī ndū ngé kul̄ gír de gə̄ loo nōō tə́, tɔdɔ̄ tɔ́gə́də́ gətóo kɔ̄ɔ́. Ōōī ndū balsáa ɓɔl gə̄ loo nōō tə́, tɔdɔ̄ túpə́ kámbə yādə́ kə́ majə ngá̰ý gə̄ ń ran̄ kə gō kadə ba Jurdḛ ní, nujənə̄ń kɔ̄ɔ́.

HABAKUK 3:14

Ḭ̄ ī-mbutə dɔ ngār gə̄ yā madə̄ ba̰ā̰ gə̄ i kə kum gərā yādə́ nin̄ kɔ́ gɔ̄ɔ́. Kété ní, nin̄ reēn̄ i kə ngɔ̄dɔ̄ɔ́ tītə̄ nél man̄ kə́ əla kə ngangá ngá̰ý beē, yā reē tə̄ɓājí kadə̄ j-awī kə̄ loo gə̄ tə́ kɔ̄ɔ́. Nin̄ túrə̄n̄ kɔĺ rɔ̄nel̄ tītə̄ kə́ a rāān̄ i yā kəsa nge ndoō loo ɓɔ̄ɔ̄ rɔ̄ tə́, gír dabə yādə́ tə́ beē.

AMOS 3:4

Dan ń ɓɔl ənge dā̰ kə́ yā kəsa aĺ anī, ni a nōō kem ku loo tə́ á? Dan ń balsáa ɓɔl əhɔ yá̰a̰ aĺ ní, ni a to loo ɓɔ̄ɔ̄ rɔ̄ yān tə́ yā nōoń a?

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

NŌŌ RƆ̄ 3:10

Ni-rāā rɔ̄n i dā̰ úrsə kə́ a um̄ loo tə́ ō, ɓɔl kə́ ɓɔ̄ɔ̄ rɔ̄n kem ku loo tə́ ō tām̄ yāḿ tə́.

IJAI 32:7

Ngé gól̄ madə̄də́ gə̄ rāān̄ i yá̰á̰ kə́ tōr̄ ngá̰ý. Nin̄ númə̄n̄ rāā yá̰á̰ kə́ majaĺ gə̄ yā nujəń ngé ndoō gə̄ kə ta kūl̄ najə̄ kə́ sor̄ gə̄. Tá ngé ndoō gə̄ ngeé ń toō ní, a dəjen̄ i yá̰a̰ yādə́ kə́ sɔɔ̄də́ ngóy.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Gōsə̄ najə̄ gə̄ 28:15

De kə́ nge kem ndul kə́ ndi dɔ gír de kə́ ngé ndoō gə̄ tə́ to i tītə̄ ɓɔl kə́ a nōō ō, dā̰ úrsə kə́ a ḭḭ bal ō.

Gōsə̄ najə̄ gə̄ 22:16

Nge tɔ́gə gətóo ń rāān̄ kumən ndoō tə́ ní, ta tɔ̄l̄ ta anī ni a teē dɔɔ́. Deē ń adə̄ de kə́ nge yá̰a̰ kənge yá̰á̰ ní ənī i rɔ̄n nəkɔ́ dan ndoō tə́.

Gōsə̄ najə̄ gə̄ 14:31

Nge rāā de kə́ tɔ́gən gətóo yá̰á̰ kə́ tōr̄ i de kə́ nge tájə̄ Nə́ɓā kə́ nge rāān, banī nge ka̰a̰ kum tō ndoō yā nge ndoō i de kə́ nge rɔȳ Nə́ɓā.

PĀ GƏ̄ 140:5

Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé. Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé. Nin̄ gírə̄n̄ i rāām̄ kadə̄ m-ə̄sō ngóy.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

KƏLA RĀĀ 23:21

Ba ī-lōō taā kemdə́! Tɔdɔ̄ de gə̄ kə́ dandə́ tə́ kə́ mānə̄n̄ kutə̄ sɔ́ ń noō túbə̄n̄ kə yá̰a̰ kəsaá ō, kə yá̰a̰ ka̰yá ō, bátə́ kadə̄ ré kə n-tɔ̄lə̄n̄ Pol pá tá. Adə̄ nin̄-ton̄ a um̄nən̄ noó. Ń toō nin̄-ndin̄ dɔ rɔ̄də́ tə́ kɔ̄ɔ́, ba a ngóōn̄ i taí ḭ̄ ngóy kadə̄ ī-ndigə.

HABAKUK 1:15

Babilon gə̄ əhɔn̄ de gə̄ tītə̄ loo kəhɔ kānjə̄ kə kuyūú beē. Nin̄ tél reēn̄ sedə́ gogə́ kem réng yādə́ gə̄ tə́ ō, rɔ̄də́ nel̄də́ tītə̄ kə́ a̰ȳn̄ i kɔ̄r̄ beé ō.

JEREMI 5:26

Tɔdɔ̄ de kə́ najə̄ i dɔdə́ tə́ gə̄ i dan gír deē yāḿ gə̄ tə́, nin̄ umə̄n̄ loo tītə̄ ń nge kəyā gūmbə̄ əyāń gūmbə̄ ō əhɔń de gə̄ ō ní.

PĀ GƏ̄ 37:14

Ngé kem ndul gə̄ ɔrən̄ gō ga̰ gərā yādə́ gə̄ yā túrəń de kə́ nge rɔ̄ tō ndoō ō, de kə́ ndoō ō, yā tɔ̄l̄də́. Ró̰ȳn̄ kaskar yādə́ gə̄ yā tə́gań kɔ́ɔ de kə́ súmūú gə̄.

PĀ GƏ̄ 109:31

Tɔdɔ̄ ni-ra dɔ jī ko̰ de kə́ nge rɔ̄ tō ndoō tə́ yā kajən jī ngé gān̄g sarya dɔn tə́ gə̄ tə́.

Makətūbə̄ yā Job 38:40

dan ń ton̄ kem bāádə́ tə́, aláa déwn̄ kem looó ní a?