PĀ GƏ̄ 10:7 - Bibəl ta Sar̄

⁷ Ni ndɔ̄ĺ loo kanjə̄ dəba ō, ɔ̄r̄ najə̄ gól̄ loo ngá̰ý ō, kə dɔ́nɔ́ tá ō. Kəlā ndo̰o̰n ger̄ i ndɔ̄ĺ de gə̄ ō, kənī kum tō ndoō kə̄ dɔ de gə̄ tə́ ō ngóy.

Bible sar

⁷ Ni ndɔ̄ĺ loo kanjə̄ dəba ō, ɔ̄r̄ najə̄ gól̄ loo ngá̰ý ō, kə dɔ́nɔ́ tá ō. Kəlā ndo̰o̰n ger̄ i ndɔ̄ĺ de gə̄ ō, kənī kum tō ndoō kə̄ dɔ de gə̄ tə́ ō ngóy.

PĀ GƏ̄ 10:7 Referans Kwoze

PĀ GƏ̄ 7:14

Yá̰a̰ rɔ̄ɔ̄ gə̄ kə́ yā tɔ̄ləń deē ní ni-əndā dɔ jīn, Ni-əndā hor ta kum gərā yān gə̄ tə́ yā kə róoń loo.

Makətūbə̄ yā Job 20:12

Yá̰á̰ kə́ majaĺ nel̄ tan ngá̰ý adə̄ ni ɓɔ̄ɔ̄n i gír kəlā ndo̰n tə́.

PĀ GƏ̄ 144:11

Ájəm̄ ō ī-gān̄g dɔḿ ō jī tə̄rā ń tan a əda i najə̄ kə́ sor̄ ō, jī ko̰n ɔjə kadə̄ ni túbə́ góləń i loo ō ni tə́.

PĀ GƏ̄ 140:9

Kɔ́ɔ̄ɓē, yá̰á̰ ń ngé kem ndul gə̄ gḛyn̄ ní ɔ́də aĺ gōdə́ tə́. Yá̰a̰ gə̄ ń a nómə̄n̄ yā rāā ní ādə̄ udə róbó alé, na sōgə́ ɔsən̄ rɔ̄də́ kə̄ dɔɔ́.

PĀ GƏ̄ 140:3

Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

PĀ GƏ̄ 73:8

Nin̄-əgōn̄ naā njik njik ō, nómə̄n̄ rāā kum de gə̄ ndoō tə́ ō, ɔjən̄ rɔ̄də́ ngá̰ý kem najə̄ kɔr̄də́ tə́ ō.

PĀ GƏ̄ 64:3

Ī-ɓɔ̄ɔ̄m̄ ādə̄ mā i sa̰y rɔ̄ ngé kem ndul gə̄ tə́, sa̰y rɔ̄ ngé rāā yá̰a̰ gōtə́ aĺ gə̄ ń oōn̄ naā loo mundə̄ tə́ dɔḿ tə́ ní.

PĀ GƏ̄ 59:12

Kɔ́ɔ̄ɓē, der yājí, ī-lōō tɔ̄l̄də́ malang, na sōgə́ dɔ gír deē yāḿ gə̄ ndígə̄nal rɔ̄ɔ̄ ń ī-tetə ní. Ādə̄ tɔ́gí yéȳdə́ ō, tél sedə́ kə̄ nang tə́ ō, ngóy.

PĀ GƏ̄ 52:4

Kə dɔ ndɔ̄ gə̄ ní ā ī-nóm̄ i rāā yá̰á̰ kə́ majaĺ. Ta ndo̰í atə tītə̄ nə́ngá kə́ usən̄ kum beé ō, ger̄ gól̄ loo ngá̰ý ō.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

JEREMI 9:6

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé ní: M-ā m̄-nōōdə́ horoó ō, m-ā m-ə̄ndā ma̰ȳdə́ ō. Tɔdɔ̄ m-ā m-ə́ndá gír deē yāḿ gə̄ najə̄ kem ndul yādə́ tə́.

JEREMI 9:3

Ə̄ndāī kum kedə̄ dɔ rɔ̄sí tə́ kə naá. Ī-lōōī kənī kemsí kadə̄ ngōkó̰ó̰sí deē, tɔdɔ̄ ngákó̰o̰ naā gə̄ malang gerə̄n̄ i kəla mbóo dɔ naā tə́ ō, madə̄ naā gə̄ malang i ngé tétə̄ najə̄ dɔ naā tə́ ō.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

Gōsə̄ najə̄ gə̄ 30:8

Ī-rāā ādə̄ yá̰á̰ kə́ kanjə̄ kumən ō, najə̄ kə́ sor̄ ō, aw̄n̄ sa̰y kɔ̄ɔ́ rɔ̄ḿ tə́. Ī-lōō rāā kadə̄ m̄-tél de kə́ nge ndoō ngá̰ý aláa de kə́ nge kənge yá̰á̰ ngá̰ý. Ādə̄m̄ yá̰a̰ kəsa ń kadə̄ m-ə́sá tá m̄-ndiń kə kumḿ ní,

Gōsə̄ najə̄ gə̄ 21:6

Yá̰á̰ kə́ kənge kə ta kūl̄ najə̄ kə́ soró i yá̰á̰ gól̄ rɔ̄ yā ngé sāā yo gə̄ kə́ a to dan i ngá̰ý alé.

PĀ GƏ̄ 144:8

tan a əda i najə̄ kə́ sor̄ ō, jī ko̰n ɔjə kadə̄ ni túbə́ góləń i loo ō ní tə́.

PĀ GƏ̄ 62:4

Ā ī-ɓoī naā malang dɔ de kə́ kógə̄ḿ beē tə́ yā kəsō seneé tītə̄ ndogə̄ mbal̄ kə́ nōr̄ beé aláa tītə̄ ngísə ndogə̄ beé, i bátə́ ta kə̄ rá?

PĀ GƏ̄ 58:3

Sḛ́ý aĺ bátə́! Ī-rāāī yá̰á̰ kə́ gōtə́ aĺ gə̄ i ndāńg ndāńg. I sḭḭ̄ kɔ́ gə̄ n ə̄nīī rɔ̄sí ī-rāāī ādə̄ dɔ́nɔ taā loo dɔ nang tə́ kum kə̄ kété kété ní.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

PĀ GƏ̄ 41:6

Madə̄ ba̰ā̰ḿ gə̄ ədan̄ najə̄ kə́ majaĺ dɔḿ tə́ na: A oy i rə́ngáý tə́! Ādə̄ deē oō najə̄ yān to̰ alé!

PĀ GƏ̄ 12:2

Kɔ́ɔ̄ɓē, ī-dḭḭ̄m̄ tə́! Gír de kə́ ran̄ dɔ ndūdə́ tə́ gə̄ təgān̄ kɔ̄ɔ́, de kə́ asən̄ kadə̄ deē ənī kemən adə̄də́ gətóon̄ kɔ̄ɔ́.

PĀ GƏ̄ 5:9

Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

Makətūbə̄ yā Job 15:35

Deē ń ndān̄ i ngōn̄ yá̰á̰ kə́ majaĺ ní, a ojə i yá̰á̰ kə́ to kum kaȳ aĺ ō, yá̰á̰ ń ni núm̄ kemən tə́ ní, a gól̄ i ngarā̰ kemən nəkɔ́ ō.

PĀ GƏ̄ 50:19

Ɔ̄r̄ najə̄ kə́ majaĺ ō ī-sor̄ ō.

PĀ GƏ̄ 59:13

Ré ɔrə̄n̄ najə̄ anī majaĺ i tadə́ tə́. Ādə̄ gūmbə̄ kɔjə rɔ̄ yādə́ əhɔdə́, tɔdɔ̄ nin̄ ndɔ̄lə́n̄ madə̄də́ ō, sorə̄n̄ ō.

AMOS 8:4

Sḭḭ̄ ngé njə̄rā dɔ nge ndoō gə̄ tə́, sḭḭ̄ ń ī-gḛyiī rāā kadə̄ de kə́ najə̄də́ gətóo gə̄ gətóon̄ kem ɓēé ní, ōōī majə!