PĀ GƏ̄ 10:4 - Bibəl ta Sar̄

⁴ Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

Bible sar

⁴ Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

PĀ GƏ̄ 10:4 Referans Kwoze

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

KƏLA RĀĀ 8:22

Ní, ī-tūr̄ hálí dɔ yá̰á̰ kə́ majaĺ ń ī-sāā rāā tə́ ní. Ba ī-ndɔ̄ȳ Kɔ́ɔ̄ɓē, yā kadə̄ ré majanī ni m ā̰ȳ rɔ̄n dɔ gír̄ kə́ kemií tə́ n toō.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.

PĀ GƏ̄ 53:1

Pā kə́ kem makətūbə̄ yā ngār yā gōsə̄ pā gə̄ tə́. Deē ā ə̄nīn i kə ndūí kə́ ɔjə kadə̄ rɔ̄í nelī alé. I pā yā Dabid kə́ yā ndóoń deē yá̰a̰.

Makətūbə̄ yā Job 22:17

Nin̄ ədan̄ Nə́ɓā na kə tūr̄ gidən kɔ̄ɔ́ tadə́ tə́! Ké Nə́ɓā kə́ tɔ́gən i ngá̰ý a rāā i rí sedə́ wa.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

Teē Ngán Israel gə̄ 5:2

Parao̰ tél ədadə́ na ké Kɔ́ɔ̄ɓē i náā á kadə̄ n-oō tan ba kə n-əya̰ń ngán Israel gə̄ kadə̄ aw̄n̄ wa. Na n-ger̄ Kɔ́ɔ̄ɓē aĺ ō, n-ndigə kəya̰ ngán Israel gə̄ kadə̄ aw̄n̄ aĺ ō.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

MARK 7:21

Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

Gōsə̄ najə̄ gə̄ 30:13

De kə́rēý gə̄ ndin̄ noó, kídə̄n̄ loo ngá̰ý ō, rāān̄ de gə̄ malang i yá̰a̰ aĺ tə́ ō!

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!

PĀ GƏ̄ 101:5

De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

PĀ GƏ̄ 36:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

PĀ GƏ̄ 18:27

Deē ń unjə̄ njáý njáý ní ḭ̄ ɔ́jən kadə̄ ḭ̄ ūnjə̄ njáý njáý ō, ba ḭ̄ i nge kəla mbóo dɔ nge gól̄ loo tə́ ō.

PĀ GƏ̄ 73:11

Nin̄ ədan̄ na Nə́ɓā na asə ka̰ā̰ alé, Nə́ɓā kə́ dɔɔ́ sa̰y ngá̰ý ní ké a ger̄ yá̰a̰ i ba̰ý wa.

KOHELET 8:11

Yá̰á̰ ń gāngə̄n̄ dɔ de kə́ nge rāā yá̰a̰ majaĺ tə́ loo sarya tə́ ní rāānən̄ láẃ alé. I tām̄ najə̄ ń noō tə́ n ngur rāā yá̰á̰ kə́ majaĺ gə̄ i ngá̰ý kem de gə̄ tə́ ní.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.