PĀ GƏ̄ 10:3 - Bibəl ta Sar̄

³ Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

Bible sar

³ Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

PĀ GƏ̄ 10:3 Referans Kwoze

PĀ GƏ̄ 94:4

Nin̄ malang ń noō ń i ngé rāā madə̄də́ gə̄ yá̰á̰ kə́ tōr̄ ní tə́gān̄ gúdə́ ō, mbáȳn̄ ədan̄ na tɔ́gə́də́ na to noó ō, tə́dan̄ najə̄ kə́ to ngonjə̄ gə̄ ō, ɔjən̄ rɔ̄də́ ō.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

Gōsə̄ najə̄ gə̄ 28:4

Ngé mbātə́ ndū najə̄ gə̄ ɓōkə́n̄ nge kem ndul tɔ̄ȳ, banī ngé ngɔ̄m̄ ndū najə̄ gə̄ rɔ̄ɔ̄nən̄.

PĀ GƏ̄ 49:6

Ndɔ̄ kə́ majaĺ tə́ anī, m̄-sōl̄ ngam yā ngé gól̄ loo gə̄ ń gīr̄mə̄n̄ ní i tām̄ rí tə́?

PĀ GƏ̄ 35:21

Nin̄ teēn̄ tadə́ ngá̰ý ədan̄neé najə̄ dɔḿ tə́ na: Ha, j-a̰a̰n loo rāā yá̰á̰ kə́ gōtə́ aĺ kə kumjí!

PĀ GƏ̄ 5:6

De kə́ nge ɓōĺ ndíl deē alé a aw̄ ta kumií tə́ alé. Ngé rāā majaĺ gə̄ malang ní nelī sedə́ alé.

Makətūbə̄ yā Job 31:24

Ré m-ə̄nī kemḿ mámák m-ādə̄ lɔ́r ō, m-ə́da lɔ́ŕ kə́ unjə̄ njáý njáý najə̄ ń m-ə́da na m̄-ndi kə kūlīí adə̄ m̄-sōl̄ yá̰a̰ alé ō,

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

1 JA̰A̰ 2:15

Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

JAKƏ 4:13

Ba ngɔlaā sḭḭ̄ ń ə́daī na ɓōólaā, aláa bírí anī ā āwī kem ɓē ń noō tə́ ō, ā ī-ndiī tū tə́ ɓāl̄ kógə̄ḿ ō, ā ī-rāāī gātə̄ kadə̄ ā ə́ngeī nar ō,

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

1 KORḚNTƏ 6:10

ngé ɓogə gə̄ ō, ngé rāā kum ndaa yá̰a̰ gə̄ ō, ngé rāā ɓəlo kasə gə̄ ō, ngé tétə̄ najə̄ gə̄ ō, ngé kə́rá yá̰a̰ gə̄ ō, a əngen̄ loo kem Ɓē ko̰o̰ yā Nə́ɓā tə́ alé.

Makətūbə̄ ń Pol ndang adə̄ Rom gə̄ ní 1:32

De gə̄ ń rāān̄ yá̰á̰ kə́ tītə̄ ń noō gə̄ ní gerə̄n̄ majə kadə̄ sarya ń Nə́ɓā gān̄g dɔdə́ tə́ ní i kadə̄ a oyn̄. Nge ń noō nin̄-gerə̄n̄ majə tā, ba rāān̄ i mbéé ngóy alé, ba ré de kə́ rang gə̄ rāān̄ anī, nin̄-ndigən̄də́ loon tə́ ō.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

HABAKUK 2:9

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ī-ngɔ̄mī yá̰a̰ kənge gə̄ kə́ ə́ngeīdə́ kə ta róbə́ kə́ gōtə́ aĺ tām̄ yā ngéésí gə̄ tə́. I nge ń noō n ndḛḛ̄ kadə̄ sḭḭ̄ ī-ndiīń majə, tá kadə̄ yá̰á̰ kə́ to kum kaȳ aĺ ɔdəń rɔ̄sí aĺ ní.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

PĀ GƏ̄ 49:18

Tɔdɔ̄ dan ń a oy ní a un yá̰á̰ kógə̄ḿ yā kaw̄ń aĺ ō, yá̰a̰ kənge yān kə́ ngá̰ý a aw̄ gōn tə́ ɓádá aĺ ō.

1 SAMUEL 23:21

Saul ədadə́ na: Ādə̄ Kɔ́ɔ̄ɓē rāā majə sesí tām̄ ka̰a̰ ń á̰a̰ī kum tō ndoō yāḿ tə́ ní.

NDŪ NAJƏ̄ 32:19

Dan ń Kɔ́ɔ̄ɓē a̰a̰ yá̰á̰ ń ngán Israel gə̄ rāān̄ ní anī, ni kídə̄də́. Ngánən kə́ dəngam gə̄ ō, kə́ dəyá̰ gə̄ ō, rāān̄ yá̰a̰ adə̄ wōn̄g rāān sedə́ ngá̰ý.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.

NGÉ SARYA 17:2

Ndɔ̄ kə́rēý tə́ anī deē ní əda kó̰o̰n na: Arjā̰a̰ yāí kə́ njáŕ sélē dūbú kə ɓú kógə̄ḿ ń deē ɓogə á ī-ndɔ̄ĺ ta kumḿ tə́ ní, to jīḿ tə́ laā, i mā n m-ɔ́y. Anī kó̰o̰n ədan na: Ngōnə̄ḿ, ādə̄ Kɔ́ɔ̄ɓē rāā majə seí.

1 MBAN̄G GƏ̄ 20:25

Īkɔ́ ɔ́ý áskar kə́ rang gə̄ ādə̄ nin̄ i ngá̰ý tītə̄ ngé gə̄ ń ī-tḭ̄ḭ̄ tadə́ kété ní ō, ɔ́ý sə́nda gə̄ ō, púsə rɔ̄ɔ̄ gə̄ ō, ādə̄ i ngá̰ý tītə̄ kə́ kété ō, ba ādə̄ jə-rɔ̄ɔ̄īdə́ kum ndágə mbō tə́. Loo ń noō tə́ tɔ́gə́jí a tɔȳ yādə́. Mban̄g oō najə̄ yādə́ ba rāā tītə̄ ń noō.

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.